• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የጥራት መሥፈርታቸውን ያላሟሉ የታሸጉ የመጠጥ ውሃ በሚያቀርቡ አምራቾች ላይ እርምጃ ይወሰድባቸዋል ተባለ

በተለያየ ጊዜ ያልሆኑትን ነን የሚሉና ጥራታቸው የተጓደለ የታሸገ የመጠጥ ውሃዎች እየተለዩ እንደሆኑ ሰማን…

አስገዳጅ የጥራት ደረጃ መሥፈርቶችን አሟልተው ወደ ገበያ መግባት ያለባቸው የታሸጉ ውሃዎች ይሄንን ሳያሟሉ በከተማው እና በተለያዩ የክልል ከተሞች እየተቸበቸቡ ነው ተብሏል፡፡

በዚህ መሠረትም የአዲስ አበባ ንግድ ቢሮ ጥራት የጐደላቸው የውሀ አምራች ኩባንያዎች እንዳሉ ስላረጋገጥኩ እርምጃ ለመውሰድ ሥራዬን አጠናቅቄያለሁ ብሏል፡፡

የሚመለከተው መሥሪያ ቤት የጥራታቸውን ጉዳይ አረጋግጦ የላከልኝ የውሃ አምራች ኩባንያዎችንም ቁጥር አውቄያቸዋለው ማለቱን ነግሮናል፡፡

 

ወሬውን ለሸገር የነገሩት የአዲስ አበባ ንግድ ቢሮ የክስ ምርመራና ሥራ ሂደት አስተባባሪ አቶ ሀብታሙ ጥላዬ ናቸው፡፡ ንግድ ቢሮው ጥራታቸውን ሳያሟሉ በገበያው ገብተው የታሸገ ውሃ የሚቸበችቡ አምራቾች ላይም እርምጃ እወስዳለው ብሏል፡፡

በኢትዮጵያ የጥራት ማረጋገጫ ተሰጥቷቸው የታሸገ ውሃ የሚያመርቱ ኩባንያዎች ቁጥር ፈቃድ ከሚሰጠው እና ከሚያረጋገጥው መሥሪያ ቤት ውጪ እንደሚገኙ ንግድ ቢሮው የተናገረ ሲሆን ጥራታቸው የተረጋገጠላቸው የታሸጉ ውሃዎች ዝርዝራቸው በተለያዩ የንግድ ማዕከሎች እና በሚሸጡበት ቦታ ሁሉ ለተጠቃሚው በግልፅ እንደሚለጥፉ ሰምተናል፡፡

ተሕቦ ንጉሴ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers