• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ባለፈው የበጀት ዓመት ከ900 ሚሊዮን ብር በላይ የዋጋ ግምት ያላቸው የኮንትሮባንድ ዕቃዎች መያዛቸው ተሠማ

የኢትዮጵያ ገቢዎችና ጉምሩክ ባለሥልጣን በበጀት አመቱ ከ905 ሚሊዮን ብር በላይ የሚገመቱ የተለያዩ እቃዎች በህገ-ወጥ መንገድ ወደ ሃገር ሲገቡና ከሃገር ሲወጡ መያዙን ተናገረ…ካለፈው አመት ጋር ሲነፃፀርም የ342 ሚሊዮን ብር ብልጫ አለው ተብሏል፡፡

የታሸጉ ምግቦች፣ መድኃኒቶች፣ የጦር መሣሪያዎች፣ ነዳጅና ወርቅ፣ የመኪና መለዋወጫ፣ ጫትና ሌሎችም በህገ-ወጥ መንገድ ከሃገር ሊወጡ ሲሉና ሲገቡ የተያዙ እቃዎች መካከል ይገኙበታል፡፡

በባለሥልጣን መሥሪያ ቤቱ የኮሙኒኬሽን ባለሙያ የሆኑት ወ/ሪት ለኢላ ይማም ለሸገር እንደተናገሩት በዚህ አመት በህገ-ወጥ መንገድ ወደ ሀገር ሊገቡ ሲሉ ከ763 ሚሊየን ብር በላይ ግምት ያላቸው እቃዎች ተይዘዋል፡፡

ከ141 ሚሊዮን ብር በላይ ግምት ያላቸው የተለያዩ ሃገር ገንዘቦችና እቃዎች ደግሞ ከሃገር ሊወጡ ሲሉ ተይዘዋል፡፡ በአጠቃላይም በዚህ አመት የ905 ሚሊዮን 419 ሺህ ብር ያህል ግምት ያላቸው የኮንትሮባንድ እቃዎች መያዛቸውን ሰምተናል፡፡

 

ይህም ካለፈው አመት ጋር ሲነፃፀር በኮንትሮባንድ ንግድ የተያዙ እቃዎች በ342 ሚሊዮን ብር ብልጫ አለው ተብሏል፡፡

በዚህ ዓመት በህገ-ወጥ መንገድ ከሃገር ሊወጡ ሲሉ ከተያዙ መካከል የተለያዩ ሃገር ገንዘቦች ቀዳሚ መሆኑንና የ101 ሚሊዮን ብር ግምት እንዳለው ወ/ሪት ለኢላ ለሸገር ተናግረዋል፡፡

የኮንትሮባንድ እቃዎች ከሃገር ሊወጡ ሲሉም ሆነ ሲገቡ በዋናነት የተያዙት በኢትዮጵያ አየር መንገድ በኩል መሆኑን ሰምተናል፡፡

የኢትዮጵያ ገቢዎችና ጉምሩክ ባለሥልጣን በህገ-ወጥ መልኩ ወደ ሃገር ቤት ሲገቡ ያዝኳቸው ካላቸው ከየተለያዩ እቃዎች መካከል የመጠቀሚያ ጊዜ ያለፈባቸው የታሸጉ ምግቦችና መድኃኒቶች እንደሚገኙበት ሰምተናል፡፡

ትዕግስት ዘሪሁን

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers