• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

በአዲስ አበባ ከሳምንት በኋላ በሚወጣው የጋራ መኖሪያ ቤት ዕጣ የ40/60 ተመዝጋቢዎችን አይመለከትም ተባለ

ከዚህ ቀደም በቤቶች ቆጠራ የተገኘ የማንም ያልሆኑ ባለቤት አልባ የጋራ መኖሪያ ቤቶች በሚቀጥለው ሳምንት በሚወጣው እጣ ውስጥ አይካተቱም ተባለ…በ40/60 የጋራ መኖሪያ ቤቶች ተመዝግባችሁ ቤታችሁን እየተጠባበቃችሁ ያላችሁ ቤት ፈላጊዎች አትጠብቁ በመጪው ሳምንት ይወጣል የተባለው ዕጣ እናንተንም አይመለከትም ተብላችኋል፡፡ ይሄንን የሰማነው ከአዲስ አበባ ቤቶች ግንባታ ፕሮጀክት ጽ/ቤት የሥራ ኃላፊ ነው፡፡ ስማቸውን ያልነገሩን የጽ/ቤቱ አንድ የሥራ ኃላፊ ከአንድ ሳምንት በኋላ ሐምሌ 30 ቀን 2008 ዓ.ም ከ39 ሺህ በላይ የጋራ መኖሪያ ቤቶች ለዕድለኞች ለማስተላለፍ ቀጠሮ እንደተያዘለት ነግረውናል፡፡

ከሳምንት በኋላ የሚተላለፉት ቤቶች የ20/80 እና የ10/90 የጋራ መኖሪያ ቤቶች ፕሮግራሞች መሆናቸውን አውቀናል፡፡ ኃላፊውን ተመዝግበው ክፍያንም ከፍለው ቤታቸውን አየተጠባበቁ ያሉ የ40/60 የጋራ መኖሪያ ቤት ፈላጊዎች በዕጣው ተካትተዋል ወይ ብለን ጠይቀን አለመካተታቸውን ሰምተናል፡፡ ሸገር የ40/60 የጋራ መኖሪያ ቤቶች ፕሮግራም ቢሮ ምክንያቱን ለማወቅ ቢደውልም ስልክ አልተነሳለትም፡፡ ከዚህ ቀደም ስለጉዳዩ የ40/60 የጋራ መኖሪያ ቤቶች ፕሮግራም የህዝብ ግንኙነት ኃላፊውን አቶ ዮሐንስ አባይነህን ጠይቀን ቤቶቹ ግንባታቸው እንደተጠናቀቀ እና የዋጋ ማሻሻያ ጥናት እየተደረገ ስለመሆኑ ነግረውን ነግረናችሁ ነበር፡፡

የዋጋ ማሻሻያ ጥናቱ ከቤት ማስተላለፍ ጊዜ ጉዳይ ጋርም እንደማይገናኝ መናገራቸው ይታወሳል፡፡ ሐምሌ 30 ለባለዕድለኞች ከሚተላለፉት ቤቶች ውስጥ ከዚህ ቀደም በቆጠራ የተገኙ እና ባለቤት የሌላቸው ቤቶች አልተካተቱም ስለመባሉ ሰምተናል፡፡
ሸገርም ለምን ብሎ ጠይቆ እነዚ ቤቶች በሌላ መንገድ እና አሰራር የሚታዩ ናቸው ተብሏል፡፡ የአዲስ አበባ ቤቶች ግንባታ ፕሮጀክት ጽ/ቤት ነገ በጉዳዩ ዙሪያ ለጋዜጠኞች ማብራሪያ ለመስጠት ቀጠሮ ይዟል፡፡

ተህቦ ንጉሴ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers