• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የኢትዮጵያ የብረት የነፍስ ወከፍ ድርሻ ጨምሯል

በተጠናቀቀው የበጀት ዓመት 24 የብረት አምራቾች ምርታቸውን ማምረት ጀምረዋል፡፡ አምራቾቹ ከዘመናዊ የቤት ቁሣቁስ እስከ ኤሌክትሪክ ትራንስፎርመር ማምረት ላይ የተሰማሩ እንደሆኑ ሰምተናል፡፡ በግንባታ ላይ ቆይተው በዚህ አመት የኢንጂነሪንግና የብረት ምርቶችን ማምረት የጀመሩት 24 ኢንዱስትሪዎች የሥራ ዕድል ከመፍጠር በተጨማሪ የነፍስ ወከፍ የብረት ፍጆታን ከፍ አድርገውታል ተብሏል፡፡

የብረታ ብረት ኢንዲስትሪ ልማት ኢንስቲትዩት የኮሙኒኬሽን ዳይሬክተር አቶ ፊጤ በቀለ ለሸገር እንደተናገሩት በብረታ ብረትና ኢንጂነሪንግ ዘርፍ ላይ የተሰማሩ አዳዲስ አምራቾች በዓመት 2 ሺህ 312 ቶን ዘመናዊ የቤት ቁሣቁሶችን ያመርታሉ፡፡ የመኪና መለዋወጫዎችን አምራች ከሆኑት ከ6 ሺህ 8 መቶ ቶን በላይ ምርቶችን በዓመት ያመርታሉ ተብሏል፡፡

በዚህ ዓመት ወደ ሥራ ከገቡ የብረት ምርት አምራቾች 31 ሺህ 500 ያህል ባጃጅና ሞተር ሣይክሎች እንዲሁም ከ12 ሺህ ቶን በላይ የኤሌክትሪክ ትራንስፎርመሮችን ማምረት ይችላሉ ብለዋል አቶ ፊጤ፡፡ ገና ምርት ያልጀመሩ በብረታ ብረትና ኢንጂነሪንግ ዘርፍ የተሰማሩ 11 ኢንዱስትሪዎች ግንባታ ላይ መሆናቸውንም ነው አቶ ፊጤ የነገሩን፡፡ የብረታ ብረት ኢንዱስትሪ ልማት ኢንስቲትዩት በነፍስ ወከፍ 31 ነጥብ 9 ኪሎ ግራም ብረት ለዜጐች ደርሷል ሲል ይናገራል፡፡
 
ሕይወት ፍሬስብሃት

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers