• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የተሻሻለው የገቢ ግብር አዋጅ ዛሬ ለህዝብ እንደራሴዎች ምክር ቤት ቀርቦ በሙሉ ድምፅ ፀደቀ

አዋጁ ከሐምሌ 1፣2008 ጀምሮ በተገኘ ገቢ ላይ ተግባራዊ ይሆናል ተብሏል፡፡ዛሬ የፀደቀውን የገቢ ግብር አዋጅ ለማስፈፀም አዲስ መመሪያና ደንብ እንስኪወጣለት ድረስ በተሻረው ህግ መሠረት የወጡ ደንቦችና መመሪያዎች ተፈፃሚ እንደሚሆኑ ሰምተናል፡፡

የተሻሻለው የገቢ ግብር አዋጅ በተበታተነ መልኩ ሲተገበሩ የነበሩ የግብር ህጐችን ወደ አንድ በማሰባሰብ እና ግብር የማይከፈልባቸው የገቢ ዓይነቶች ወደ ግብር መረብ በማስገባት ወጥና ፍትሐዊ የግብር አከፋፈል ሥርዓት እንዲኖር ይረዳል ተብሏል፡፡

የገቢ ግብር አዋጁ በመሻሻሉ መንግሥት በአመት ከተቀጣሪው ህብረተሰብ ያገኝ የነበረውን 3 ቢሊየን ብር ያሳጣዋል፡፡ ይሁን እና እስካሁን ግብር የማይከፈልባቸው የሥራ ዘርፎችም ወደ ግብር ከፋይነት በማስገባት ከተቀጣሪው የሚታጣውን ገንዘብ የሚያካክስ አንቀፅ በአዋጁ ታክሎበታል፡፡

 

በሌላ በኩል አዋጁ ከግብር ነፃ ያደረጋቸው የሥራ አይነቶችም አሉ፡፡ ከግብር ነፃ ከተባሉት መካከል በነዳጅ ፍለጋ ላይ የተሰማሩ ድርጅቶች የሚቀጥሯቸው ሰራተኞች እንደሚገኙባቸው ሰምተናል፡፡ የህዝብ ተወካዮች ምክር ቤት አባላትና የፌዴሬሽን ምክር ቤት በቋሚነት በቋሚ ኮሚቴ የሚሰሩ አባላት የምርጫ ዘመን ቆይታቸውን አጠናቀው ሲሰናበቱ ለመቋቋሚያ የሚሰጠው ገንዘብ ከግብር ነፃ አለመሆኑ ግን በአንዳንድ አባላት ዘንድ ጥያቄ አስነስቶ ነበር፡፡

የገቢ ግብር አዋጅ መፅደቅ ኢትዮጵያ ከኢኮኖሚ እድገቷ የሚመነጨውን ገቢ በመሰብሰብ ሀገራዊ ወጪዋን በራሷ አቅም ለመሸፈን ያስችላታል ተብሎም ተስፋ ተጥሎበታል፡፡ የህዝብ እንደራሴዎች ምክር ቤት ዛሬ ባካሄደው አንደኛ አስቸኳይ ስብሰባ የበጀትና ፋይናንስ ጉዳዮች ቋሚ ኮሚቴ እና የፍትህና አስተዳደር ጉዳዬች ቋሚ ኮሚቴ ያቀረቡትን የታክስ አስተዳደር ረቂቅ አዋጅንም አፅድቋል፡፡

በተጨማሪም 16 የጠቅላይ ፍርድ ቤት እጩ ዳኞችን ሹመትም በሙሉ ድመፅ አፅድቋል፡፡

ትዕግስት ዘሪሁን

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers