• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የካንሰር በሽታ ሥር ሰዶ ችግር ከማስከተሉ በፊት ለቅድመ መከላከሉ ትኩረት እንዲሰጥ የጤና ምክርና ትምህርቱን ማስፋት ያሻል ተባለ

ካንሰር ለብዙዎቹ የኢትዮጵያ ዜጐች የጤና ብቻ ሳይሆን የስነ-ልቦና ችግር ነው ተባለ…ብዙዎቹ ስለ በሽታው ለቤተሰቦቻቸው እንኳ መናገሩን አይፈቅዱትም ተብሏል፡፡ በዚህም ምክንያት በሽታው ለስነ-ልቦና ችግር እንደሚዳርጋቸው ተነግሯል፡፡ ወሬውን የሰማነው ሁለተኛ ቀኑን በያዘውና በአስረኛው የማህፀን በር ጫፍ፣ የጡትና የፕሮስቴት ካንሰርን ከአፍሪካ እናጥፋ ኮንፈረንስ ላይ ነው፡፡ ቀዳማዊት እመቤት ወ/ሮ ሮማን ተስፋዬ እንዳሉት በተለይ የአገራችን ሴቶች የካንሰርን ህመምና ሥነ-ልባናዊ ጫናውን ለብቻቸው ይሸከሙታል፡፡ በኢትዮጵያ በየአመቱ 66 ሺህ ሰዎች በካንሰር በሽታ እንደሚያዙ ወ/ሮ ሮማን ተናግረዋል፡፡

የበሽታው ስርጭት እንዲህ ከፍተኛ የሆነው በአገራችን ስለ ካንሰር በሽታ ያለው ዕውቀት አነስተኛ ስለሆነ ነውም ብለዋል፡፡ ለካንሰር በሽታ ህክምናውን በተሻለ ሁኔታ ይሰጣል የሚባለውና አንድ ለእናቱ ሆኖ በቆየው የጥቁር አንበሣ ሆስፒታል ሰዎች አገልግሎቱን ለማግኘት ለወራት ወረፋን መጠበቅ፣ ለቀናትም መሰለፍ ግድ እንደሆነባቸው ቀዳማዊት እመቤቷ አንስተዋል፡፡ ብዙዎችም ተራቸው ሳይደርስ ይህችን አለም በሞት ይሰናበቷታል ብለዋል፡፡ ይህንን አሣዛኝ ሁኔታ ለመቀየር ህክምናውን በተለያዩ አካባቢዎች ለመስጠት እየተሰራ እንደሆነም ጠቅሰዋል፡፡

 

ይህንን ለማድረግ ባለሙያዎችን እያሰለጠንን፣ የህክምና መሣሪያዎችንም እየገዛን ነው ሲሉም ጨምረው ተናግረዋል፡፡ ዜጐችም ወደ ተቋማቱ ሄደው የካንሰር ቅድመ ምርመራ በማድረግ በሽታው ከባድ ደረጃ ከመድረሱ በፊት እንዲታከሙት እያስተማርን ነው ብለዋል፡፡ ቀዳማዊት እመቤቷ ካንሰር እንደሌሎች በሽታዎች ታመው የሚድኑት ህመም ነው የሚል አስተሳሰብ በአገሬ ተፈጥሮ እስከማይ ድረስ ጠንክሬ እሰራለሁ በሚል ብለዋል፡፡

በኮንፈረንሱ ላይ ንግግር ያደረጉት የውጭ ጉዳይ ሚኒስትሩ ዶክተር ቴዎድሮስ አድሃኖም ደግሞ የአለም ጤና ድርጅት ዳይሬክተር ሆኜ ከተመረጥኩ የካንሰር በሽታን መከላከል የቅድሚያ ቅድሚያ ከምሰጣቸው ሥራዎቼ አንዱ ይሆናል ሲሉ ተናግረዋል፡፡ የማህፀን በር ጫፍ፣ የጡትና የፕሮስቴት ካንሰርን ከአፍሪካ እናጥፋ ኮንፈረንስ የተዘጋጀው በአፍሪካ ቀዳማዊት እመቤቶች ነው፡፡


ንጋቱ ረጋሳ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers