• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የተሻሻለው የገቢ ግብር አዋጅ ከፀደቀ በኋላ ተግባራዊ የሚደረገው ከሐምሌ 1 ቀን 2009 ዓ.ም ጀምሮ መሆኑ የኢትዮጵያ ገቢዎችና ጉምሩክ ባለሥልጣን ተናገረ

የተሻሻለው የገቢ ግብር አዋጅ ሲፀድቅ የምከፍለው ግብር ይቀንስልኛል በሚል ኃሣብ የአዲስ አበባ ነጋዴዎች ግብራቸውን በወቅቱ እየከፈሉ እንዳልሆነም ባለሥልጣኑ ዛሬ ጋዜጠኞችን ጠርቶ በሰጠው መግለጫ ተናግሯል፡፡ በባለሥልጣኑ የአዲስ አበባ ታክስ ፕሮግራሞችና ልማት ሥራዎች ዘርፍ ምክትል ዋና ዳይሬክተር የሆኑት ወ/ሮ ነፃነት አበራ እንዳሉት በመጪዎቹ አራት ወራት 360 ሺህ የአዲስ አበባ ነጋዴዎች ግብራቸውን ይከፍላሉ ተብሎ ይጠበቃል፡፡ ይሁንና ባለፉት 15 ቀናት ግብራቸውን ያሳወቁ ነጋዴዎች ቁጥር ከሚጠበቀው እጅግ ዝቅተኛ ነው ብለዋል፡፡

ወደ ባለሥልጣኑ ከመጡና መክፈል ያለባቸው ግብር ከተነገራቸው በኋላ በተሻሻለው የገቢ ግብር አዋጅ መሠረት መክፈል ያለብኝ ከዚህ ያነሰ ነው ብለው የተመለሱ ነጋዴዎች እንዳሉም ሰምተናል፡፡ ወ/ሮ ነፃነት እንዳሉት የተሻሻለው የገቢ ግብር አዋጅ ከፀደቀ በኋላ ተግባራዊ የሚደረገው ከአመት በኋላ በ2009 ዓ.ም ከሐምሌ 1 ቀን 2009 ዓ.ም ጀምሮ መሆኑን ግብር ከፋዩ ይወቅልን ብለዋል፡፡ የደረጃ ሐ ግብር ከፋይ የሆኑ 2 መቶ ሺህ ነጋዴዎች እስከ ሐምሌ 30 ቀን 2008 ዓ.ም ድረስ ይስተናገዳሉ ተብሎ ይጠበቃል፡፡
ይሁንና እስካሁን ድረስ ግብራቸውን ያሳወቁት 34 በመቶ ብቻ እንደሆኑ ሰምተናል፡፡ የደረጃ ለ ግብር ከፋዬች ደግሞ እስከ ጳጉሜ 1 ቀን 2008 ዓ.ም ድረስ 41 ሺህ ነጋዴዎች ግብራቸውን እንዲያሳውቁ ይጠበቃል፡፡ አስካሁን ግን ይህን ያደረጉት 23 በመቶ ብቻ እንደሆኑ ወ/ሮ ነፃነት ተናግረዋል፡፡ በተጨማሪም ከ58 ሺህ ያህል የደረጃ ሀሌታው ሀ ግብር ከፋዬች መካከል ግብራቸውን እስካሁን  ያሳወቁት 3 በመቶ ብቻ ናቸው ተብሏል፡፡ ግብር ከፋዩ በተያዘለት መርሃ ግብርና የጊዜ ገደብ ግብሩን ካልከፈለም የሚስተናገደው ወለድና ቅጣቱን ጭምር በመክፈል መሆኑን ወ/ሮ ነፃነት አሳስበዋል፡፡ የኢትዮጵያ ገቢዎችና ጉምሩክ ባለሥልጣን ከአዲስ አበባ ነጋዴዎች ብቻ በመጪዎቹ አራት ወራት 26 ቢሊየን ብር ግብር ለመሰብሰብ ወጥኖ እየሰራ ነው ተብሏል፡፡
 
ትዕግስት ዘሪሁን

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers