• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

መጋቢት 16፣ 2012/ ከባድ መኪና ላይ በተጫነ ኮንቴይነር ውስጥ ሆነው ከማላዊ ወደ ሞዛምቢክ ሲጓዙ ከነበሩ 78 ኢትዮጵያውያን ውስጥ 64ቱ በአየር እጥረት ሕይወታቸው ማለፉን መንግሥት አረጋገጥሁ አለ

በከባድ ተሽከርካሪው ኮንቴይነር ውስጥ ሆነው ከማላዊ ወደ ሞዛምቢክ ድንበር በመጓዝ ላይ ከነበሩት ኢትዮጵያውያን 64ቱ በአየር እጥረት ሳቢያ ሕይወታቸው ማለፉን ደቡብ አፍሪካ ከሚገኘው የኢትዮጵያ ኤምባሲ ማረጋገጥ መቻሉን የውጭ ጉዳይ ሚኒስቴር ቃል አቀባይ ቢሮ ተናግሯል፡፡

በከባድ የጭነት ተሽከርካሪው ኮንቴይነር ውስጥ ከነበሩት 78 ኢትዮጵያውያን 14ቱ በሕይወት መትረፋቸው ተነግሯል፡፡ሁሉም ተጓዦች ሕጋዊ የጉዞ ሰነድ ያልነበራቸው በመሆኑ፣ የሟቾቹን ማንነት በሕይወት ከተረፉት ከ14ቱ ኢትዮጵያውያን በተገኘ መረጃ ለማረጋገጥ መቻሉን የቃል አቀባዩ ቢሮ ተናግሯል፡፡አደጋው የደረሰበት ቴቴ በመባል የሚታወቀው አካባቢ ከተለያዩ አገሮች በሕገወጥ የሰዎች አዘዋዋሪዎች በመደለል ወደ ደቡብ አፍሪካ ለመጓዝ ሙከራ የሚያደርጉ ሰዎች የሚገኙበት የታወቀ መተላለፊያ ቦታ መሆኑም ተነግሯል።

በሕይወት የተረፉት 14ቱ ኢትዮጵያውያን በአሁኑ ሰዓት ደቡብ አፍሪካ በሚገኘው የኢፌዲሪ ኤምባሲ፣ በሞዛምቢክ መንግሥት፣ ሞዛምቢክ በሚገኘው ዓለም አቀፍ የስደተኞች ጽሕፈት ቤት እና ሞዛምቢክ በሚገኙ የኢትዮጵያ ማኅበረሰብ አባላት በኩል እርዳታና ድጋፍ አየተደረገላቸው እንደሚገኙ የቃል አቀባዩ ቢሮ ተናግሯል፡፡ከዚህ አስከፊ አደጋ በሕይወት የተረፉት ኢትዮጵያውያን፣ አስፈላጊው የጉዞ ሰነድ ከተመቻቸላቸው በኋላ በቅርቡ ወደ አገራቸው እንደሚመለሱ የውጭ ጉዳይ ሚኒስቴር ተናግሯል፡፡

ዘከርያ መሐመድ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers