• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

መጋቢት 16፣ 2012/ የጎዳና ተዳዳሪዎችን ከኮሮና ቫይረስ ስጋት ለመጠበቅ ከጎዳና ላይ ማንሳቱን እንደማያስበው የአዲስ አበባ ሰራተኛና ማህበራዊ ጉዳይ ቢሮ ተናገረ

ይልቁንም ለጎዳና ተዳዳሪዎች ውሃ እና የንፅህና መጠበቂያ ቁሳቁስ በማቅረብ ራሳቸውን እንዲጠብቁ እያደረግኩ ነው ብሏል፡፡የጎዳና ነዋሪዎች ያላቸው የአኗኗር ሁኔታ ለኮሮና ቫይረስ ያላቸውን ተጋላጭነት ከፍ ሊያደርገው ይችላልና እነሱን ለመጠበቅ ምን እየሰራችሁ ነው ስንል የቢሮውን ምክትል ሀላፊ ጠይቀናል፡፡

ምክትል ሀላፊው አቶ ዓለሙ አሰፋ በዚህ ወቅት የጎዳና ነዋሪዎቹን ካለበት አንስቶ በአንድ ስፍራ መሰብሰብ የቫይረሱን ስርጭት ያባብሰዋል የሚል ስጋት መኖሩን ነግረውናል፡፡በመንግስት በኩል በተሰጠ መመሪያ መሰረት ነዋሪዎቹን ከጎዳና ላይ ከማንሳት ይልቅ ግንዛቤያቸውን በማሳደግ ራሳቸውን እንዲጠብቁ ማድረግን መርጠናል ብለውናል፡፡

በዚህም መሰረት የጎዳና ተዳዳሪዎች በሚበዙባቸው አካባቢዎች ውሃ እና የንፅህና መጠበቂያዎችን በማቅረብ የቫይረሱን ስርጭት ለመግታት እየሞከርን ነው ብለዋል፡፡በበጎ ፈቃደኞች የሚሰበሰብ የንፅህና መጠበቂያዎችን በማቅረብ የቫይረሱን ስርጭት ለመግታት እየሞከርን ነው ብለዋል፡፡

በበጎ ፈቃደኛ የሚሰበሰብን የንፅህና መጠበቂያ ቁሳቁሱ ለጎዳና ነዋሪዎች ለማዳረስ እየተሰራ መሆኑንም ነግረውናል፡፡በአዲስ አበባ ከ50,000 በላይ የጎዳና ነዋሪዎች መኖራቸውን የነገሩን አቶ ዓለሙ በዚህ ወቅት ሁሉንም ከጎዳና ለማንሳት የሚያስችል አቅምም የለንም ብለዋል፡፡

በዚህ ዓመት ሁለት ሺህ የጎዳና ነዋሪዎችን በዓለም ባንክ የገንዘብ ድጋፍ ለማንሳት ታቅዶ 1,200 የሚሆኑት ከጎዳና ተነስተው ወደ ማዕከላት መግባታቸውን ምክትል ሀላፊው ነግረውናል፡፡የኮሮና ቫይረስ ስርጭትን ለመግታት የሚወሰኑ ውሳኔዎች ሀገር አቀፍ በመሆናቸው አዲስ ውሳኔ ከመጣ ለመተግበር በሮች ዝግጁ መሆኑን አቶ ዓለሙ ለሸገር ነግረውናል፡፡

ማህሌት ታደለ
 

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers