• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ጥቅምት 10፣ 2012/ የማህፀን በር ካንሰር መከላከያ ክትባት በአዲስ አበባ መሰጠት ተጀመረ

ክትባቱ ከዛሬ ጀምሮ እስከ ጥቅምት 14 ይቀጥላል ተብሏል፡፡ በአዲስ አበባ ትምህርት ቤቶች ለሚማሩና እድሜአቸው 14 አመት ለሆናቸው ታዳጊ ሴቶች ክትባቱ እንደሚሰጥ የአዲስ አበባ ጤና ቢሮ ዛሬ በሰጠው መግለጫ ተናግሯል፡፡ከትምህርት ቤት ውጪ ያሉና በዚሁ የእድሜ ክልል የሚገኙ ታዳጊ ሴቶችን በጤና ኤክስቴንሽን ሰራተኞች በኩል በመለየት ክትባቱን እንዲያገኙ ይደረጋል ተብሏል፡፡በተያዘው አመት ሁለት ጊዜ የሚሰጠው የማህፀን በር ካንሰር መከላከያ ክትባት በአዲስ አበባ ከ23 ሺ 500 በላይ ሴት ልጆችን ለመከተብ መታቀዱን ሰምተናል፡፡

የአዲስ አበባ ጤና ቢሮ ሀላፊ ዶ/ር ዮሐንስ ጫላ የማህፀን በር ካንሰር መከላከያ ክትባት መካንነትን ያመጣል በሚል የሚሰራጨው መረጃ የተሳሳተ ነው ብለዋል፡፡ክትባቱ በጤና ላይ የሚያመጣው ምንም ዓይነት የጎንዮሽ ጉዳት እንደሌለም ሀላፊው ተናግረዋል፡፡የማህፀን በር ካንሰር ዩማን ፓፒሎማ በተባለ ቫይረስ አማካይነት የሚመጣ በመሆኑ ክትባቱ ይህንኑ ቫይረስ ለመከላከል የሚረዳ ነው ብለዋል ዶ/ር ዮሀንስ፡፡ቫይረሱ በግብረ ስጋ ግንኙነት የሚተላለፍ ስለሆነም እድሜያቸው የደረሱ ልጃገረዶችን ሁለት ጊዜ በመከተብ ከማህፀን በር ካንሰር መጠበቅ እንደሚቻል ዶ/ር ዮሐንስ ተናግረዋል፡፡

በኢትዮጵያ ከጡት ካንሰር ቀጥሎ በብዛት የሚከሰት ነው የተባለው የማህፀር በር ካንሰር ከአንድ መቶ ሺ ኢትዮጵያውያን ሴቶች መካከል 36 የሚሆኑት ላይ እንደሚከሰት በመግለጫው ሲነገር ሰምተናል፡፡በአመት 7 ሺ ሴቶች በዚሁ በሽታ የሚያዙ ሲሆን ከመካከላቸው 5 ሺ የሚሆኑት በበሽታው ምክንያት ሕይወታቸውን ያጣሉ ተብሏል፡፡ አንዲት ሴት የግብረ ስጋ ግንኙነት ከመጀመሯ በፊት ሁለት ጊዜ የመከላከያ ክትባቱን ብታገኝ የማህፀን በር ካንሰርን ሙሉ ለሙሉ መከላከል እንደሚቻል ተነግሯል፡፡

ማህሌት ታደለ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers