• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ጥቅምት 4፣2012/ የተባበሩት መንግስታት፣ የአፍሪካ ህብረትና አባል አገራት በአህጉሪቱ የተከፈቱ ጦርነቶችን እንዲያስቆሙና በግጭት ቀጠናዎች ውስጥ የሚኖሩ ሕፃናትን ደህንነት እንዲያስጠብቁ ተጠየቁ

የአፍሪካ ህፃናት ፖሊሲ ፎረም ዳይሬክተር ዶ/ር አሰፋ በቀለ የአፍሪካ መሪዎች ሕፃናትን ከአስከፊ ችግርና ሰቆቃ መታደግ አልቻሉም ብለዋል፡፡በህፃናት ላይ የጦር ወንጀሎችን እና ዘግናኝ የመብት ጥሰቶችን የሚፈፅሙ አካላት በአብዛኛው ሕግ ፊት ሲቀርቡ አይታይም ብለዋል፡፡

ይህን የሰማነው ከዛሬ ጀምሮ ለሶስት ቀናት በሚቆየውና ሕፃናት በጦርነት ወቅት የሚደርስባቸውን ጉዳት ትኩረቱ ባደረገ ጉባኤ ላይ ተገኝተን ነው፡፡ጉባኤው የአፍሪካ ሕፃናት ፖሊሲ ፎረም፣ ከሴቭ ዘ ችልድረንና ከሲዊድን አለም አቀፍ የልማት ኤጀንሲ ጋር በመተባበር በተባበሩት መንግስታት የስብሰባ ማዕከል እየተካሄደ ነው፡፡

በአፍሪካ ህብረትና በአባል አገራቱ መካከል ሕፃናት በጦርነት ወቅት የሚደርሱባቸውን ጉዳቶች ለማስቀረት የተደረጉ ስምምነቶች ተግባራዊ መሆን እንዳልቻሉ በጉባኤው ወቅት ሲነገር ሰምተናል፡፡የአፍሪካ ህብረትና የመንግስታት ተወካዮች፣ የህፃናት ደህንነት ተሟጋቾች በጉባኤው የተሳተፉ ሲሆን በተነሱ ችግሮች ዙሪያ የመፍትሄ ሀሳብ እንደሚያቀርቡ ይጠበቃል ተብሏል፡፡

ማህሌት ታደለ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers