• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

መስከረም 8፣ 2012/ ለችግር የተጋለጡ አረጋውያንን በመደገፍ እየጠፋ የመጣውን የመረዳዳትና የመከባበር እሴት መመለስ ይገባል ተባለ

የእድሜ ባለፀጎችን ለመደገፍ እንመረቅ በሚል መሪ ሀሳብ ለአረጋውያን ክብር የመስጠት ንቅናቄ እየተካሄደ ነው ተብሏል፡፡የሰራተኛና ማህበራዊ ጉዳይ ሚኒስቴር 28ኛውን የአለም አቀፍ የአረጋውያን ቀንን አስመልክቶ በተለያዩ ችግሮች ውስጥ ያሉ የእድሜ ባለፀጎች እገዛ የሚያገኙበትን ንቅናቄ ጀምሬያለሁ ብሏል፡፡እስከ መስከረም 20 ድረስ ይቀጥላል የተባለው ይኸው መርሃ ግብር 10 ሺ አረጋውያን ድጋፍ የሚያገኙበት ነው ተብሏል፡፡የሰራተኛና ማህበራዊ ጉዳይ ሚኒስትር ዴኤታ ወ/ሮ አየለች እሸቴ ከቅርብ ጊዜ ወዲህ ከአገራችን እየጠፉ የመጣው የመከባበር፣ የመደጋገፍና የመረዳዳት እሴቶቻችንን በዚህ አጋጣሚ መመለስ እንደሚገባ ተናግረዋል፡፡

ሁሉም ዜጋ ካለው ላይ ለአረጋውያን በማካፈል የመርሃ ግብሩ ተሳታፊ እንዲሆንም ጥሪ አቅርበዋል፡፡በአዲስ አበባ በተዘጋጁ አምስት ቦታዎች የአልባሳትና የቁሳቁስ ድጋፍ ማድረግ እንደሚቻልም ጠቁመዋል፡፡በመገናኛ፣ በሜክሲኮ፣ በመስቀል አደባባይ፣ በፒያሳና በካዛንቺስ አካባቢዎች በተቋቋሙ የእርዳታ ማሰባሰቢያዎች ድጋፍ ማድረግ ይቻላል ብለዋል፡፡28ኛው የአረጋውያን ቀን የፊታችን መስከረም 20 ቀን 2012 በሚሊኒየም አዳራሽ ይከበራል፡፡በኢትዮጵያ እድሜአቸው ከ60 አመት በላይ የሆኑ የእድሜ ባለፀጎች ቁጥር 6 ሚሊየን እንደሚሆን ተነግሯል፡፡በርካታ አረጋውያን የእለት ጉርስና መሰረታዊ ፍላጎቶቻቸውን በማጣት በተለያዩ ችግሮች ውስጥ ይገኛሉ ተብሏል፡፡

ማህሌት ታደለ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers