• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ነሐሴ 17፣2011/ ኢትዮጵያ ኢኮኖሚዋ እንዲበረታ የውጪ ምንዛሬ ማግኛ መንገዷም እንዲበዛላት መላ እየተፈለገ ነው ተባለ

የኢትዮጵያ ብሔራዊ ባንክ የኢኮኖሚ ለውጡ እንዲታገዝ ከአሜሪካ የሀርቫርድ ዩኒቨርሲቲ የተለያዩ ጥናቶችንና የሚቻለውን ለማድረግ የ3 አመት የኢኮኖሚ ሪፎርም ፕሮጀክት ወደ ስራ መግባቱ ተነግሯል፡፡ይኸው መላ በኢትዮጵያ አሁን ቁልቁለቱን የተያያዘውን የማክሮ ኢኮኖሚውን ውጥንቅጥ መፍትሄ ይፈልግለታል ለውጥም ያመጣል ተብሎ ታምኖበታል፡፡በሐርቫርድ ዩኒቨርስቲ በኩል የሚደረገውን በጎ ስራ የአሜሪካ የልማት ተራድኦ ድርጅት USAID እንደሚያግዘው ሰምተናል፡፡

የኢትዮጵያን የኢኮኖሚ መሰረት ያሰፋል የተባለውን ይህን ፕሮጀክት ከሀርቫርድ ዩኒቨርስቲና ከሚመለከታቸው ጋር በተደረገው ስምምነት ላይ የኢትዮጵያ ብሔራዊ ባንክ ዋና ገዢ ዶ/ር ይናገር ደሴ ተገኝተዋል፡፡እሳቸውም ይኸው ፕሮጀክት አሁን በኢትዮጵያ የሚታየውን የማክሮ ኢኮኖሚ መዛባት መንገድ ይፈለግለታል ብለዋል፡ኢትዮጵያ በግብርና፣ በማኒፋክቸሪንግና በተለያዩ ዘርፎች ተሰማርታ የምታገኘውን የውጪ ንግድ ገቢ ያበረታዋል ብለዋል፡፡

በኢትዮጵያ የአሜሪካው አምባሳደር ማይክ ራይነር በበኩላቸው በኢትዮጵያ የተጀመረው የኢኮኖሚ ለውጥ እንደሚደገፍ አስረድተው ይህንኑ ለውጥም ለማበርታትና የተለያዩ ፕሮጀክቶችንም ለመደገፍ ሀገራቸው የሚጠበቀውን እንደምታደርግ ተናግረዋል፡፡ይኸው ለ3 አመታት ይቆያል የተባለውና የኢትዮጵያን የማክሮ ኢኮኖሚውን ያግዛል የተባለው ፕሮጀክት አገሪቱ የደከመባትን በወጭ ንግድ ላይ ተሰማርታ የምትሰበስበውን የውጭ ምንዛሬ ከፍ ያደርግላታል፣ ሌሎች መንገዶችንም ይከፍትላታል ተብሏል፡፡

ተህቦ ንጉሤ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers