• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ነሐሴ 15፣2011/ በረቂቁ የትምህርትና ስልጠና ፍኖተ ካርታ ምክረ ሀሳብ አማካይነት የሚዘጋጀውን የአጠቃላይ ትምህርት ፖሊሲ ከ2013 ዓ/ም ጀምሮ ተግባራዊ እንደሚደረግ ትምህርት ሚኒስቴር ተናገረ

ባለፈው አንድ አመት ነባር ሥርዓተ ትምህርት ላይ ያሉ ችግሮችን የመለየት ስራ ማከናወኑንም ሰምተናል፡፡በዚህም መሰረት በ2012 ዓ/ም ነባሩን ሥርዓተ ትምህርት የማሻሻል ተግባር የሚከናወን መሆኑን የትምህርት ሚኒስትሩ ዶ/ር ጥላዬ ጌቴ በሰጡት መግለጫ ተናግረዋል፡፡በሚሻሻለው ፖሊሲ መሰረትም የመጀመሪያ ደረጃ ትምህርት እስከ 6ኛ ክፍል ይሆናል፡፡7ኛ እና 8ኛ ክፍሎች መለስተኛ ሁለተኛ ደረጃ ትምህርት የሚሰጥባቸው ሲሆኑ ከ9 እስከ 12 ክፍል ደግሞ የከፍተኛ ሁለተኛ ደረጃ ትምህርት የሚሰጥበት እንደሆነ ነው የተናገሩት ሚኒስትሩ፡፡

አዲሱ የሚሻሻለው ሥርዓተ ትምህርት በ2013 ዓ/ም ተግባራዊ የሚደረግ ሲሆን በ2012 ዓ/ም 9ኛ ክፍል የሚገቡ ተማሪዎች ብሔራዊ ፈተና የሚወስዱት 12ኛ ክፍል ካጠናቀቁ በኋላ ነው ተብሏል፡፡ፍኖተ ካርታው በትምህርት ዙሪያ ሊሻሻሉ ይገባቸዋል ያላቸውን 357 ምክረ ሀሳቦችን አካትቷል፡፡ከነዚህ መካከል 3ቱ አዋጆችን የሚቃረኑ በመሆናቸው ተቀባይነትን አላገኙም ተብሏል፡፡እነዚህም ለባለ ሀብቶች መሬት በነፃ መስጠት፣ መምህራን ሙሉ ደመወዛቸውን በጡረታ እንዲያገኙና የትምህርት ታክስን የተመለከቱ ጉዳዮች ናቸው፡፡የትምህርት እና ስልጠና ፍኖተ ካርታው እስከ 2022 ዓ/ም ሙሉ በሙሉ ተግባራዊ እንደሚደረግ ሰምተናል፡፡ከዚህ ጋር በተያያዘ ሚኒስትሩ ዶ/ር ጥላዬ ጌቴ የ12ኛ ክፍል ብሔራዊ ፈተናን በተመለከተ የቀረቡ ቅሬታዎች እየታዩ ናቸው ብለዋል፡፡ነገር ግን የ12ኛ ክፍል ብሔራዊ ፈተና ተሰርቋል የሚለው ፍፁም የተሳሳተ መሆኑን ተናግረዋል፡፡

በየነ ወልዴ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers