• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

መጋቢት 12፣2011/ የውሃ መስኖና ኢነርጂ ሚኒስቴር የዩኒቨርስቲ ምሩቃንን አደራጅቶ በመስኖ ዘርፍ ለስራ እንዲሰማሩ ለማድረግ እየሰራሁ ነው አለ

የውሃ መስኖና ኢነርጂ ሚኒስቴር ቀደም ሲል ከተገነቡ፣ እየተገነቡ ካሉና ለወደፊቱ ከሚገነቡ የመስኖ ግድብ ፕሮጀክቶች ቀንሶ ለወጣት ምሩቃን ለመስጠት ማቀዱን የተናገሩት ሚኒስትሩ ኢንጂነር ስለሺ በቀለ ናቸው፡፡ሚኒስትሩ የመስሪያ ቤታቸውን የ8 ወራት የስራ ክንውን ሪፖርት ለሕዝብ እንደራሴዎች ምክር ቤት ሲያቀርቡ እንዳሉት በዚህ አመት 50 ሺ ሄክታር መሬት ለ52 ሺ የዩኒቨርስቲ ምሩቃን ለመስጠት እየተሰራ ነው፡፡ባለፉት 8 ወራትም ወጣቶቹ በመስኖ ስራ ላይ ውጤታማ እንዲሆኑ የሚያስችሉ የስልጠና ማኑዋሎች መዘጋጀታቸውን ሰምተናል፡፡

ከክልሎች ጋር በመተባበርም 32 ሺ ሄክታር በመስኖ የሚለማ መሬት ተለይተዋል ብለዋል ኢንጂነር ስለሺ፡፡የዩኒቨርስቲ ምሩቃኑን አደራጅቶና አሰልጥኖ በመስኖ ዘርፍ ለማሰማራት በየክልሎቹ የምልመላ ስራ መሰራቱም የውሃ መስኖና ኢነርጂ ሚኒስትሩ ተናግረዋል፡፡ እየተገነቡ ካሉ መካከለኛ እና ሰፋፊ የመስኖ ልማት ፕሮጀክቶች የሚለማው መሬት በዚህ አመት 261 ሺ 846 ሄክታር ለማድረስ ታቅዶ እየተሰራ መሆኑን ሰምተናል፡፡ከነባር 4 የመስኖ ግድቦች ቀጣይ ግንባታም 50 ሺ ሄክታሩን በሙከራ የመስኖ ልማት ለዩኒቨርስቲ ምሩቃኑ ለመስጠት እየተሰራ ነው ተብሏል፡፡

ትዕግስት ዘሪሁን

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers