• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

መንግስት ለባህላዊ ህክምና ሥርዓተ ትምህርት ማዘጋጀት የሚኖርበት መሆኑ ተጠቆመ

መንግስት ለባህላዊ ህክምና ሥርዓተ ትምህርት ማዘጋጀት የሚኖርበት መሆኑ ተጠቆመ፡፡ኢትዮጵያ የባህል ህክምና ማሰልጠኛ ተቋማት ሊኖራትም ይገባል ተብሏል፡፡የኢትዮጵያ ብሔራዊ የባህል ማዕከል (የኢትዮጵያ ባህላዊ መድሃኒቶች ከየት ወዴት) በሚል ርዕስ ባዘጋጀው የውይይት መድረክ ላይ ነው ሲነገር የሰማነው፡፡

በውይይቱ እንደሰማነው ከሆነ ኢትዮጵያም ሆነች የባህል ሐኪሞቿ ከዘርፉ ማግኘት ያለባቸውን ያህል ጥቅም እያገኙ አይደለም፡፡ለባህል መድሃኒቶች ቅመማ ይረዱ የነበሩ እፅዋት ቁጥርም ከጊዜ ወደ ጊዜ እየተመናመነ ነው ተብሏል፡፡ዘመናዊ የህክምና ባለሙያዎችና የባህል ሐኪሞች ተቀራርቦ አለመስራት ለባህል ህክምናው እድገት እንቅፋት ሆኖ ቆይቷል ተብሏል፡፡

በመሆኑም ለባሕላዊው ህክምና እውቅና በመስጠት ሥርዓተ ትምህርት ውስጥ አካቶ እውቀቱን ከትውልድ ወደ ትውልድ እንዲተላለፍ መስራት እንደሚገባ ሲነገር ሰምተናል፡፡መንግስት የባህላዊ ህክምና መድሃኒቶችን ለማበልፀግ የሚያደርገውን ጥረት ማጠንከር አለበት ተብሏል፡፡

ለባህላዊ ሐኪሞችም ህጋዊ ጥበቃ ማድረግ አለበት ሲሉ ተወያዮቹ ተናግረዋል፡፡ይህ ደግሞ ፈዋሽነታቸው የተረጋገጡ መድሃኒቶች ሳይንሳዊ መሰረት እንዲኖራቸው ያግዛል ተብሏል፡፡ለባህል ህክምና ማደግ የሚደረጉ ጥናትና ምርምሮች መበራከት እንደሚኖርባቸው ከተወያዮቹ ሰምተናል፡፡

በየነ ወልዴ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers