• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ከትላንት በስቲያ የጀመረው የአዲስ አበባ ምክር ቤት ጉባኤ ትላንት የከተማዋን በጀት 44 ነጥብ 7 ቢሊየን ብር እንዲሆን አፅድቆ ዛሬም ቀጥሏል

ከትላንት በስቲያ የጀመረው የአዲስ አበባ ምክር ቤት ጉባኤ ትላንት የከተማዋን በጀት 44 ነጥብ 7 ቢሊየን ብር እንዲሆን አፅድቆ ዛሬም ቀጥሏል፡፡በዛሬው ውሎው የከተማውን የፍርድ ቤቶች የ5 አመት አቅድ አፈፃፀም ሰምቷል፡፡በእቅድ አፈፃፀሙ እንደተባለው በአዲስ አበባ ውሳኔ ሳያገኙ ከአመት አመት የሚተላለፉ ውዝፍ መዝገቦች ብዛት ቀንሷል፡፡ በ2006 ዓ.ም 1 ሺ 74 የነበሩት ውሳኔ ሳያገኙ የሚንከባለሉ መዝገቦች ብዛት በ2009 ወደ 6 መቶ 14 ዝቅ ብሎ ነበር፡፡ይሁን እንጂ ዘንድሮ ከፍ ብሎ 1 ሺ 125 ሆኗል፡፡

በዳኝነት በኩል እና በፍርድ ቤት አሰራርም ከጊዜ ወደ ጊዜ እየተሻሻለ መምጣቱ ተነግሯል፡፡ምክር ቤቱ በትላንት ውሎው ማጠቃለያ የከተማዋን የ2011 በጀት ያፀደቀ ሲሆን የአዲስ አበባ የመጪው አመት በጀትም 44 ነጥብ 7 ቢሊየን ብር ሆኗል፡፡ከዚህ ውስጥም በመደበኛ 18 ነጥብ 3 ቢሊየን በካፒታል 22 ነጥብ 3 ቢሊየን፣ የመጠበበቂያ 4 ቢሊየን ሆኖ ተደልድሏል፡፡

የከተማው የመጪው አመት 44 ነጥብ 7 ቢሊየን ብር ገቢ፣ ከታክስና ከሌሎች ገቢዎች ይሰበሰባል ተብሎ የታቀደ ሲሆን ከታክስ ነክ ገቢዎች 33 ነጥብ 6 ቢሊየን፣ ታክስ ካልሆኑ 3 ነጥብ 9 ቢሊየን ፣ በማዘጋጃ ቤት ገቢ 5 ነጥብ 1 ቢሊየን ፣ ከውጪ ብድር 1 ነጥብ 8 ቢሊየን ፣ ከውጪ እርዳታ 39 ነጥብ 1 ሚሊየን ፣ ከመንገድ ፈንድ 74 ነጥብ 1 ሚሊየን ብር ገቢ ይገኛል ተብሎ ታቅዷል፡፡የአዲስ አበባ መንገዶች ባለስልጣን ከ6 ቢሊየን ብር በላይ ከፍተኛ በጀት የተመደበለት ሲሆን የውሃና ፍሳሽ ባለስልጣን 4 ነጥብ 3 ቢሊየን፣ ለጤና 4 ነጥብ 3፣ ለትምህርት 3 ነጥብ 5 ፣ ለትራንስፖርት 2 ነጥብ 3 ፣ ለፀጥታ 1 ነጥብ 9 ቢሊየን ብር የተመደበ ሲሆን ለቤቶች ልማትም 1 ነጥብ 6 ቢሊየን ብር የተመደበ መሆኑን ሰምተናል፡፡ የ2011 አጠቃላይ በጀት 44 ነጥብ 7 ቢሊየን ብር ከአምና የ40 ነጥብ 5 ቢሊየን ብር በጀት በ4 ነጥብ 2 ቢሊየን ብር ብልጫ ያለው ነው፡፡ ጉባኤው በዛሬው ውሎ የአመቱን የኦዲት ሪፖርት ያዳምጣል፡፡

ዮሐንስ የኋላወርቅ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers