• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

በተለያዩ የመንግስት ሀላፊነቶች ላይ የሚገኙ የመንግስት ሹማምንት ለውጭ ሀገር ህክምና እና ለስራ በሄዱበት ሀገር የተጠቀሙበትን ዕዳ በአግባቡ ሊያወራርዱልኝ ባለመቻላቸው...

በተለያዩ የመንግስት ሀላፊነቶች ላይ የሚገኙ የመንግስት ሹማምንት ለውጭ ሀገር ህክምና እና ለስራ በሄዱበት ሀገር የተጠቀሙበትን ዕዳ በአግባቡ ሊያወራርዱልኝ ባለመቻላቸው በኦዲት ግኝት ተጠያቂ እየሆንኩ ነው ሲል የውጭ ጉዳይ ሚኒስቴር ተናገረ፡፡

ሚኒስቴር መ/ቤቱ በመንግስት የሀላፊነት ቦታ ላይ የተቀመጡ አመራሮች ወደ ውጭ ሀገራት በሚሄዱበት ጊዜ የሚጠበቅባቸውን እና በመስሪያ ቤታቸው መወራረድ የሚገባውን ሂሳብ በወቅቱ እየከፈሉ አይደለም ብሏል፡፡ትላንት በህዝብ እንደራሴዎች ም/ቤት ተገኝተው የመስሪያ ቤታቸውን የ9 ወራት የስራ አፈፃፀም ሪፖርት ያቀረቡት ዶ/ር ወርቅነህ ገበየሁ ለጉዳዩ በተደጋጋሚ መፍትሄ እንዲሰጠው ጥያቄ ቢቀርብም እስካሁን ግን የተስተካከለ ነገር የለም ሲሉ ተናግረዋል፡፡

የዋና ኦዲተር መስሪያ ቤት በወቅቱ ያልተወራረዱ እና መከፈል ያለባቸው ሒሳቦችን በውጭ ጉዳይ ሚኒስቴር መመዝገቡ አሁንም የቀጠለ በመሆኑ ማስተካከያ እንዲደረግ ከሚመለከታቸው ጋር እየተነጋገርኩበት ነው ሲል ሚኒስቴር መ/ቤቱ ተናግሯል፡፡የዲፕሎማቶችና የአምባሳደሮች ምደባ ፍትሃዊ አይደለም በሚልም ትላንት በውጭ ጉዳይ ሚኒስቴር የ9 ወራት የስራ አፈፃፀም ሪፖርት ላይ በም/ቤቱ አባላት ጥያቄ ተነስቷል፡፡

ሚኒስትሩ ዶ/ር ወርቅነህ ገበየሁ በሰጡት ምላሽ በተለያየ የሀላፊነት ቦታ ላይ ያገለገሉ ሀላፊዎች ለአምባሳደርነትና ለዲፕሎማትነት ብቃት እንዳላቸው ሲታመንባቸው ለሹመት ይበቃሉ ነገር ግን በስራው ልምድ ያላቸውንና በብቃት የሚሰሩትን በጥንቃቄ መምረጡ ትኩረት ሊደረግ ይገባል ብለዋል፡፡በተለያየ የመንግስት ሀላፊነቶች ላይ አገልግለው ለአምባሳደርነት የሚሾሙ ሀላፊዎች ላይ ግልፅ የሆነ አሰራር የለም አድሎአዊነት አለው የሚል ጥያቄ ቀርቦ ሚኒስትሩ ምላሽ ሰጥተውበታል፡፡

በአሰራሩ ላይ የሚታዩትን የግልፀኝነት ችግር ለማስተካከል ሚኒስቴር መ/ቤቱ ከአሁን በኋላ ትኩረት አድርጎ ይሰራል የተነሳውም ጥያቄ ተገቢ ነው ማስተካከያም ይደረግበታል ሲሉ ዶ/ር ወርቅነህ ለምክር ቤቱ ተናግረዋል፡፡

ምህረት ስዩም

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers