• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

“ብሔራዊ ማንነትና አገራዊ አንድነት” በሚል ርዕስ ትላንት በሸራተን አዲስ ሕዝባዊ የምክክር መድረክ ተካሂዷል

“ብሔራዊ ማንነትና አገራዊ አንድነት” በሚል ርዕስ ትላንት በሸራተን አዲስ ሕዝባዊ የምክክር መድረክ ተካሂዷል፡፡ የምክክር መድረኩን ያዘጋጁት በጠቅላይ ሚኒስትር ጽ/ቤት የዲሞክራሲ ሥርዓት ግንባታ ማስተባበሪያ ማዕከልና የተባበሩት መንግስት የልማት ፕሮግራም (ዩኤንዲፒ) ናቸው፡፡ የተለያዩ አስተያየቶች በመድረኩ ላይ ተሰጥተዋል፡፡

ለሀገራዊ አንድነት መዳከም ምክንያቶቹ ምንድናቸው የሚለው ሃሳብ የሸራተኑን ህዝባዊ መድረክ ተሳታፊዎችን ያስማማ አይመስልም፡፡ ከተሳታፊዎቹ የተወሰኑት ገዥው የፖለቲካ ማህበር ኢህአዴግ የችግሩ መነሻ ሲሉ ወቅሰዋል፡፡ ኢህአዴግ ልትበተን የነበረችን ኢትዮጵያ አንድ አድርጌ አስቀጠልኩ ማለቱ ነው ጥፋቱ ብለዋል፡፡ሌሎች ደግሞ በህዝቦች መካከል መቃቃርን በሚፈጥሩ ጉዳዮች ላይ ትኩረት መሰጠቱ ነገሩን አክፍቶታል ሲሉ ተናግረዋል፡፡

ሀገሪቱ የተዋቀረችበት የፌዴራል ስርዓት ለችግሩ አስተዋጽኦ ማድረጉን የተናገሩም አሉ፡፡የክልሎች ህገ መንግስት ለዜጎች መፈናቀል ምክንያት የሆነበት አጋጣሚ ለዚህ አብነት በሚል ተጠቅሷል፡፡
ሌሎች ተሳታፊዎች በበኩላቸው የራስን ዕድል በራስ የወሰን መብት እስከ መገንጠል የሚለው የሀገራችን ህገ መንግስት አንቀጽ ለምን አይወጣም ሲሉ ጠይቀዋል፡፡ዜጎች የሚተማመኑባቸው ጠንካራ ተቋማት አለመኖር ለሀገራችን አንድነት መዳከም ምክንያት ነው ያሉም አሉ፡፡ሌሎች ተሳታፊዎች ደግሞ ከቀረቡት አስተያየቶች በተወሰኑት ላይ ምላሽ ለመስጠት ሞክረዋል፡፡

አንዱ በመድረኩ ላይ ጥናታዊ ፅሁፍ ያቀረቡት የአዲስ አበባ ዩኒቨርሲቲው መምህር ዶክተር አሠፋ ፍስሃ ናቸው፡፡እሳቸው አስተያየት ከሰጡባቸው ጉዳዮች አንዱ ዜጎችን የሚያፈናቅሉ ሰዎች የህግ ድጋፍ አላቸው የሚለው ነው፡፡ የመሠል ክርክሮች መለመድ የሀገራዊ አንድነት ማጠናከሪያ አንዱ መንገድ እንደሆነ በመድረኩ ላይ ሲነገር ሠምተናል…

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.



ንጋቱ ረጋሳ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers