• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የሳይንስ መረጃዎች…

የዓለማችን ቋንቋዎች ሁሉ መነሻ ከአንድ አፍሪካዊ እናት ቋንቋ መሆኑ ተደረሰበት ይሉናል ሳይንቲስቶች፡፡ሳይንቲስቶች እንደሚሉት የዓለማችን 6ሺ ያህል ዘመናዊ ቋንቋዎች እናት የሆነው ቋንቋ ከዛሬ 50 ሺ እስከ 70 ሺ ዓመታት ግድም በአፍሪካ ይነገር የነበረ ነው፡፡

የጥናት ውጤቱ እንደሚለው ይህ የሁሉ እናት የሆነ ቋንቋ ለሰው ልጅ ስልጣኔ፣ ለሰው ልጅ ወደ አዳዲስ አካባቢዎች መፍለስ እንዲሁም ለኪነትና የቴክኖሎጂ ጅማሮ መሰረት ነው፡፡በኒውዝላንዱ የኦክላንድ ዩኒቨርሲቲ ተመራማሪ ክዊንቲን አትኪንሰን የተሰራው ጥናት እንዳሳየው የሰው ልጅ ንግግር የጀመረው ከዚህ ቀደም ከሚታሰበው ጊዜ ቀደም ብሎ ነው፡፡

ከዚህ ጥናት በፊት የነበሩ መላ ምቶች የዓለማችን ቋንቋዎች መነሻ ከአንድ በላይ ናቸው ይል ነበር፡፡ ይህ የአሁኑ ጥናት ግን የሁሉም የዓለማችን ቋንቋዎች እናት አንድ ነው ባይ ነው፡፡አትኪንሰን በጥናቱ በ504 የዓለማችን ቋንቋዎች ውስጥ ያሉን የተለያዩ ተነባቢ፣ አናባቢ እና መሰል የድምፅ እና ቋንቋ አለባውያን በመውሰድ ጥናቱን አካሂዷል - በዚህም በአሁኑ ወቅት በዓለማችን ላይ ያሉ ቋንቋዎች ሁሉ መነሻ አሁን ፈፅሞ የተረሳ በአፍሪካ በድንጋይ ዘመን ወቅት ይነገር የነበረ ጥንታዊ ቋንቋ ነው ይላል፡፡

 

አትኪንሰን በጥናቱ ያረጋገጠው ሌላው ነገር ደግሞ በርካታ ድምፆች ያሏቸው ቋንቋዎች ጥንታዊ ናቸው የሚለው ነው፡፡ ለዚህም እንደምሳሌ የተጠቀሱት አሁን በአፍሪካ የሚነገሩ አንዳንድ ጥንታዊ ቋንቋዎች ከ100 በላይ ድምፆች ሲኖሯቸው በአንፃሩ ግን በቅርብ የተፈጠሩ ናቸው ከሚባሉት ቋንቋዎች አንዱ የሆነው የሐዋያውያን ቋንቋ ግን 13 ብቻ ድምፅ እንዳለው ተጠቅሷል፡፡ እንግሊዝኛ 45 የተለያዩ ድምፆች አሉት…

ሌላው ሰሞኑን የተሰማ የሳይንስ መረጃ ደግሞ ከሰውነታችን ሕዋሳት 57 ከመቶ ያህሉ የባክቴሪያ፣ የቫይረስ፣ የፈንገስና መሰሎች ድብልቅ ነው ይለናል፡፡ይህን ድብቅ የሰውነታችንን የባክቴሪያ ክምችት ጉዳይ ማወቅ ለሰውልጅ ጤና ወሳኝ ነው - ከአለርጂ እስከ ፓርኪንሰን ላሉት ሕመሞች መላ ለመፈለግም ይፈይዳል ተብሏል፡፡ ከዚህም በተጨማሪ በህክምናው ዘርፍ እውን ሰው ማለት ምን ማለት ነው የሚል መጠይቅ እንዲነሳም ሰበብ ሆኗል ነው የተባለው፡፡

ከነዚህ መካከል የአብዛኞቹ ባክቴሪያዎች መኖሪያ የሆነው ደግሞ የሰው ልጅ ሆድ እቃ ነው፡፡ በተለይም በሆድ እቃ ውስጥ ያለው የባክቴሪያ መጠን እና ስብጥር ለጤና ወሳኝ ነው ነው የሚባለው፡፡“ከሰው ይልቅ ባክቴሪያ ነን ማለት ይቻላል” ሲሉ በጉዳዩ ላይ አስተያየት የሰጡት የጥናት ቡድኑ አባላት - እነዚህን በውስጣችን እና በቆዳችን ላይ ያሉ ባክቴሪያ፣ ቫይረስና ሌሎችንም ማጥናት የሰው ልጅ ጤናን በተመለከተ ትልቅ እመርታ እንዲመጣ ይረዳል ባይ ናቸው፡፡

ግሩም ተበጀ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers