• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የኢትዮጵያ የጥርስ ህክምና ባለሙያዎች ማህበር በአንድ ሳምንት ጊዜ በአዲስ አበባና በክልል ከተሞች ለሚገኙ 1 መቶ 81 ሺ ተማሪዎች የአፍ ጤና አጠባበቅ ግንዛቤ መስጠቱን ተናገረ

የኢትዮጵያ የጥርስ ህክምና ባለሙያዎች ማህበር በአንድ ሳምንት ጊዜ በአዲስ አበባና በክልል ከተሞች ለሚገኙ 1 መቶ 81 ሺ ተማሪዎች የአፍ ጤና አጠባበቅ ግንዛቤ መስጠቱን ተናገረ፡፡የማህበሩ ፕሬዝዳንት ዶ/ር ሙሉዓለም ታደሰ ይህን ያሉት በአገሪቱ ለ4ኛ ጊዜ የተከበረውን የአፍ ጤና አጠባበቅን አስመልክቶ መግለጫ ሲሰጡ ነው፡፡

በርካታ ሰዎች የጥርስ ህክምናን እንደ ቅንጦት ሲያዩት ይስተዋላል ያሉ ሲሆን ይህም በቀላሉ መታከም የሚችሉ የጥርስ ህመሞች ችላ በመባላቸው ህብረተሰቡን ለከፋ የጤና ቀውስ ሲዳርጉት ይታያል ብለዋል፡፡ሆኖም አሁን ላይ ለሕፃናትና ታዳጊዎች ግንዛቤ መፍጠራችን በኋላ ላይ የሚመጣ የጥርስ ህመምን ለመቀነስ ይረዳል ሲሉ ዶክተሯ ተናግረዋል፡፡

ማህበሩ 5 መቶ ሐኪሞች እንዳሉት የተነገረ ሲሆን አንድ መቶ ሚሊዮን ሕዝብ ላላት ኢትዮጵያ ቁጥሩ አናሳ ስለመሆኑ ተነግሯል፡፡አፍ፣ መተንፈሻ መመገቢያና ውበት ነው ያሉት ዶ/ር ሙሉዓለም ልዩ ጥንቃቄ በማድረግ ከሌሎች በሽታዎች ራሳችንን መጠበቅ እንችላለን ብለዋል፡፡

በኢትዮጵያ ለ4ኛ ጊዜ የተከበረው የዓለም አቀፍ የአፍ ጤናን አጠባበቅን የዘንድሮ መሪ ሀሳብ “አፍዎ ስለ ጤና ይናገራል” የሚል ሲሆን በዓለም አቀፍ ደረጃ ሲከበር ደግሞ ለ6ኛ ጊዜ ነው ተብሏል፡፡ማህበሩ ከዩኒሊቨር ጋር በመተባበር በእግረ መንገድ በጎ ስራም ከ25 ሺ ሚሊ ሊትር በላይ ደም መለገሱን ከማህበሩ ሰምተናል፡፡

ምስክር አወል

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers