• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ያለፉት ሁለት አመታት ኢትዮጵያ መረጋጋት ሳይታይባት ያሳለፈቻቸው ጊዜያት እንደነበሩ በተለያዩ ሁኔታዎች ሲነገር ይሰማል...

ያለፉት ሁለት አመታት ኢትዮጵያ መረጋጋት ሳይታይባት ያሳለፈቻቸው ጊዜያት እንደነበሩ በተለያዩ ሁኔታዎች ሲነገር ይሰማል፡፡እነዚህ አለመረጋጋቶችና ግጭቶች ደግሞ የሚያሳዩት ጠያቂ ትውልድ መፈጠሩን እንደሆነ መንግስትና የተለያዩ የህብረተሰብ ክፍሎች ሲናገሩ ይደመጣል፡፡ 

ለመሆኑ ጠያቂ ትውልድ ምን ማለት ነው ? ይህን አስመልክቶ ለቀድሞው የኢፌድሪ ፕሬዝዳንት ዶ/ር ነጋሶ ጊዳዳና በኢትዮጵያ ሳይንስ አካዳሚ በአማካሪነት ለሚሰሩት አቶ ጥላዬ ንጉሴ ጥያቄ አቅርበንላቸው ነበር፡፡ዶ/ር ነጋሶ ጊዳዳ ጠያቂ ትውልድ ማለት ከመብቴ የጎደለኝ፣ ያልተሟላልኝ አለ ብሎ የሚጠይቅ እንደማለት ነው ብለዋል፡፡

መገለጫውም ያለውን፣ የተሰራውን ሁሉ ድምጥማጡን ማጥፋት ሳይሆን ሰላማዊ አካሄድና ሥርዓትን የተከተሉ ተቃውሞዎች እንደሆኑ ነግረውናል፡፡ዶ/ር ነጋሲ ጊዳዳ እንደነገሩን ባለፉት ሁለት አመታት የታየው ሁኔታ የጠያቂ ትውልድ እያቆጠቆጠ መምጣቱን እንጂ ሙሉ ለሙሉ ትርጓሜው የገባው ትውልድ መፈጠሩን የሚያሳይ አይደለም፡፡ ይህም መደበላለቅን ፈጥሯል ይላሉ፡፡አቶ ጥላዬ በበኩላቸው ጠያቂ ትውልድ ማለት ያረጀ ያፈጀውን አካሄድ ሙሉ ለሙሉ ተቀብሎ ከመሄድ ይልቅ እስከምን ድረስ ሊያስኬድ ይችላል በማለት ጠይቆ መሻሻል ላለባቸው ነገሮች የሚጠይቅ ነው ብለዋል፡፡

 

መገለጫው ደግሞ ለመማር ዝግጁ መሆንና ሁልጊዜ ለመጠየቅ አለመታከት ነው ይላል፡፡የተባለውን አይነት ጠያቂ ትውልድ ለመፍጠር ታድያ ማን ምን ማድረግ ይጠበቅበታል በተከታይነት ያቀረብንላቸው ጥያቄ ነበር፡፡ዶ/ር ነጋሶ ጊዳዳ ወጣቱ ትውልድ የጀመረው የመብት ጥያቄ በሰላማዊ መንገድ ጥያቄው እስኪመለስለት ድረስ ሲቀጥልና መንግስትም አፋጣኝ ምላሽ መስጠት ሲጀምር ይመጣል ባይ ናቸው፡፡

አቶ ጥላዬ ደግሞ መጀመር ያለበት ከቤተሰብ ነው፣ ቤተሰብ ልጆች የመጠየቅ ባህያቸው እንዲዳብር እንጂ መከልከልን እያዳበሩ እንዲሄዱ ማድረግ የለበትም ብለዋል፡፡ከዚህም በተጨማሪ መገናኛ ብዙሃን የህብረተሰቡን ድምፅ ሊያሰሙለት ይገባል፤ ማዝናናት ብቻ ሳይሆን ግልጽ የሆኑ የውይይት መድረኮችን በማዘጋጀት ትምህርት መስጠት ይጠበቅባቸዋል የዶ/ር ነጋሶና የአቶ ጥላዬ ሀሳብ ነው፡፡

የሆነው ሆኖ ሁሉም ግን መጨረሻው ለአንድ አገር ሰላም፣ ልማትና እድገት መሆን አለበት ያነጋገርናቸው ግለሰቦች መደምደሚያ ሀሳብ ነው፡፡

የቴዎድሮስ ብርሃኑ ሙሉ ዘገባ ያዳምጡ…

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers