• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

በተለያየ ችግር ምክንያት ከቤተሰቦቻቸው ጋር ማደግ ያልቻሉ ህፃናትን ለውጭ ሀገር ጉዲፈቻ መስጠት...

በተለያየ ችግር ምክንያት ከቤተሰቦቻቸው ጋር ማደግ ያልቻሉ ህፃናትን ለውጭ ሀገር ጉዲፈቻ መስጠት ከተቀመጡ አማራጮች መካከል የመጨረሻው ቢሆንም በ12 ዓመት ጊዜ ውስጥ ብቻ ከ20 ሺ በላይ ህፃናት ለውጭ ሀገር ጉዲፈቻ ተሰጥተዋል ተባለ፡፡በተሻሻለው የኢትዮጵያ የቤተሰብ ሕግ ውስጥ በሕፃናት አስተዳደግ የውጭ ጉዲፈቻን የሚፈቅደው ሕግ እንዲሻሻል የሴቶችና ሕፃናት ጉዳይ ሚኒስቴር ለህዝብ እንደራሴዎች ምክር ቤት የሕግ ጉዳዮች ቋሚ ኮሚቴ የማሻሻያ ኃሣቡን ሲያቀርብ ነው እንዲህ የተባለው፡፡

ሕፃናት ለማደግ የሚያስፈልጓቸው ነገር ሳይሟሉላቸው ቀርቶና ከቤተሰቦቻቸው ሲለያዩ በተለያዩ አማራጮች እንዲያድጉ ይደረጋል ፤ ነገር ግን ሕፃናቱ ከሀገራቸው ወጥተው በውጭ ሀገር ጉዲፈቻ እንዲያድጉ ማድረግ ከአማራጮቹ ሁሉ ሚኒስቴር መሥሪያ ቤቱ የመጨረሻ አድርጐ ያስቀመጠው ነው ሲሉ ወይዘሮ ደሚቱ ሀምቢሳ የሴቶችና ህፃናት ጉዳይ ሚኒስትሯ ለቋሚ ኮሚቴው ተናግረዋል፡፡እየታየ ያለው ነገር ከዚህ በተቃራኒዊ እንደሆነና በ12 ዓመት ጊዜ ውስጥ ብቻ ቁጥራቸው 25 ሺ የሆኑ ህፃናት ለውጭ ሀገር ጉዲፈቻ መሰጠታቸውንና ይህም በማህበረሰቡ ውስጥ ትልቅ ቀውስ እየፈጠረ ነው ብለዋል፡፡

ለውጭ ሀገር ጉዲፈቻ ተሰጥተው ከሀገራቸው ከወጡ ከእነዚህ ህፃናት ውስጥም 7 ሺ የሚሆኑት አድራሻቸው ጭራሽ የማይታወቅ ሲሆን ፤ 434 የሚሆኑ የህፃናቱ ቤተሰቦች በተደጋጋሚ ጊዜ የውጭ ጉዳይና ሴቶችና ህፃናት ጉዳይ ሚኒስቴር አመልክተዋል ተብሏል፡፡ሕጉ በከፍተኛ ደረጃ ማኅበረሰቡ ውስጥ ችግር እየፈጠረ በመሆኑ ሚኒስቴሩ እንደ አማራጭ ባስቀመጠው በማኅበረሰብ አቀፍ የህፃናት ድጋፍ እንዲያድጉ በማድረግ ፖሊሲ ቀርፆ እየሰራ ነው ፤ የሕጉ መሻሻል ችግሩን እንደሚያቃልለው ተነግሯል፡፡

የቋሚ ኮሚቴው አባላት ለማሻሻያ በቀረበው ኃሣብ ላይና ሕጉ ሲሻሻል ማካተት አለበት ያሏቸውን ኃሣቦች እያቀረቡ ነው፡፡

ምህረት ስዩም

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers