• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

መስከረም ጠባ፣ ፀሀይዋ ብልጭ አለች ብላችሁ አዲስ አበቤዎችና ሌሎችም በአዋሽ ተፋሰስ አካባቢ ያላችሁ ከተሜዎች...

መስከረም ጠባ፣ ፀሀይዋ ብልጭ አለች ብላችሁ አዲስ አበቤዎችና ሌሎችም በአዋሽ ተፋሰስ አካባቢ ያላችሁ ከተሜዎች እንዳትዘናጉ ከጐርፍ አደጋ ተጠንቀቁ ተብላችኋል፡፡እንዲህ ያሉት የአዋሽ ተፋሰስ ባለሥልጣን ዋና ዳይሬክተር የሆኑት አቶ አበራ ግዛው ናቸው፡፡

ሰሞኑን በአዋሽ ወንዝ ሙላት ሳቢያ የቆቃ ግድብ እየተለቀቀ በመሆኑ ከግድቡ በታች ግድቡ የማይዛቸው ገባር ወንዞች ስላሉ በአንድ ላይ ሆነው የጐርፍ አደጋ ሊከሰት እንደሚችል ማስጠንቀቂያ ተሰጥቶ እንደነበርም አስታውሰዋል፡፡

አሁንም ቢሆን ከቆቃ የሚለቀቀው ውሃ ያልቆመ በመሆኑ ስጋቱ እንዳለ ነው ብለዋል፡፡ከዚህም በላይ ግን ከ70 በመቶ በላይ የሚሆነው የአዋሽ ተፋሰስ ለጐርፍ አደጋ የተጋለጠ ነውም ሲሉ ተናግረዋል፡፡አዲስ አበባም ብትሆን ከፍተኛ የጐርፍ ስጋት ያለባት ናት ያሉት አቶ ጌታቸው አንድም የጐርፍ ማፋሰሻዎች የዲዛይን ችግር የሚያሳስብ በመሆኑ ዳግም መጠናት ያለበት ነው ብለዋል፡፡

በሌላም በኩል አዲስ አበቤ በተገኘው የውሃ መውረጃ ሁሉ የሚደፋው ቆሻሻ ቱቦዎቹን እየደፈነ የጐርፍ ችግር ያመጣልና ሊታሰብበት ይገባል ነው ያሉት፡፡ክረምቱ ከጐርፍ ጋር ይዞት የመጣው ደለል የውሃና የወንዝ መውረጃዎችን ውሃ የመያዝ አቅም ሊያጠበው ስለሚችል ዝናብ ጠብ ባለ ቁጥር የወንዝ ሙላትና የጐርፍ አደጋ ሊያስከትል ይችላል ሲሉም ስጋታቸውን ተናግረዋል፡፡

በተለይም በተራራ ተከበው ያሉት እንደነ ደሴ፣ ኮምቦልቻ፣ ከምሴ፣ ሸዋ ሮቢት የመሳሰሉት ከተሞች በዝናብ ግፊት የተነሣ የመሬት መሰንጠቅና መንሸራተት ሊያጋጥማቸው ይችላልና በጥንቃቄ ሊታዩ ይገባል ሲሉም ነግረውናል፡፡

ዮሐንስ የኋላወርቅ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers