• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የአዲስ አበባ ከተማ አስተዳደር እሣትና ድንገተኛ አደጋዎች መከላከልና መቆጣጠር ባለሥልጣን የከተማዋ ነዋሪዎች የገባው ክረምት ሊያደርሰው ከሚችለው አደጋ እራሳቸውን እንዲጠብቁ አሳስቧል

የአዲስ አበባ ከተማ አስተዳደር እሣትና ድንገተኛ አደጋዎች መከላከልና መቆጣጠር ባለሥልጣን የከተማዋ ነዋሪዎች የገባው ክረምት ሊያደርሰው ከሚችለው አደጋ እራሳቸውን እንዲጠብቁ አሳስቧል፡፡ባለሥልጣኑ ዛሬ ጋዜጠኞችን ጠርቶ ሲናገር እንደሰማነው ኮልፌ ቀራኒዮ ክፍለ ከተማ ቤተል አካባቢ በንብረት ላይ ከደረሰ መለስተኛ ጉዳት ውጪ ክረምቱ ከገባ በሰው ህይወት ላይ በጐርፍ ምክንያት የደረሰ አደጋ እስካሁን አልተመዘገበም ብሏል፡፡

የባለሥልጣኑ ዋና ዳይሬክተር ኮማንደር አማኑኤል ረዳ የከተማው ነዋሪ ከመንግሥት ጋር በመተባበር የውሃ ቦዮችን በማፅዳት ከባድ ዝናብ በሚጥልበት ወቅት ባለመንቀሣቀስ ወንዝ ዳርቻ ያሉ አስቀድመው በመዘጋጀት ሊተባበሩ ራሳቸውን ሊጠብቁ ይገባል ብለዋል፡፡ባለፈው መጋቢት በመቶዎች የሚቆጠሩ ዜጎችን የጨረሰው ቆሼና የእንጦጦ አካባቢ የመሬት መንሸራተት ሊያጋጥማቸው ይችላሉ የተባሉ ቦታዎች ናቸው፡፡

የባለፈው ዓይነት አስከፊ አደጋ እንዳይከሰት ባለሥልጣኑና መንግሥት የሰራቸውን ቅድመ ሥራዎች የተጠየቁት ኮማንደር አማኑኤል ኮሚቴ ተቋቁሞ በወንዝ ዳርቻና በሚያሰጉ ቦታዎች ያሉ ሰዎች ወደ ሌላ ቦታ ለማዘዋወር እየተሰራ ነው ፤ ነገር ግን ነዋሪዎች ቦታውን ለመልቀቅ ፈቃደኛ ሲሆኑ አይታይም ብለዋል፡፡ከሣምንት በፊት በጐርፍ አደጋ የሞቱ ሰዎች እንዳሉ በተለያዩ ሚዲያዎች ተዘግቧል፤ ምንም ሰው አልሞተም ማለት የመረጃ ግጭት አይፈጥርም ወይ? ብለን የጠየቅናቸው ኮማንደሩ በጐርፍ መወሰድና ወንዝ ገብቶ መሞት የተለዩ ናቸው፤ የሞት አደጋ አልተከሰተም የሚል ምላሽ ሰጥተዋል፡፡

ዳይሬክተሩ ነዋሪዎቹ በክረምት ከሰል ሲጠቀሙ ሊያደርስ የሚችለውን አደጋ ከወዲሁ አስበው ጥንቃቄ እንዲያደርጉም አሳስበዋል፡፡አሽከርካሪዎችም በክረምቱ ፍጥነታቸውን ቀንሰው በማስተዋል እንዲያሽከረክሩና እራሳቸውንና ንብረታቸውን ከሚደርስ አደጋ ጠብቁ ብለዋል፡፡

ምህረት ስዩም

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers