• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ሕገ-ወጥ የሰዎች ዝውውር የፈፀመው ተከሣሽ በእሥራት ተቀጣ

ሕገ-ወጥ የሰዎች ዝውውር የፈፀመው ተከሣሽ በእሥራት ተቀጣ፡፡ተከሣሽ ኢትዮጵያዊያን ዜግነት ያላቸው ግለሰቦችን በሕገ-ወጥ መንገድ ወደ ውጭ በመላክ በስምንት ወንጀሎች ክስ እንደተመሠረተበት የዐቃቤ-ሕግ የክስ መዝገብ ያስረዳል፡፡በአዲስ አበባ ከተማ ጉለሌ ክ/ከተማ ነዋሪ የሆነው ተከሣሽ ኃይላይ ሀጎስ መለስ ካልተያዘው ግብረ አበሩ ጋር በመሆን ህጋዊ ፈቃድ ሳይኖረው 8 ተበዳዮችን ከሚኖሩበት አማራ ክልል ደቡብ ወሎ ወደ ደሴ በማምጣት ሳውዲ አረቢያ እንደሚልካቸው ይነግራቸዋል፡፡

እያንዳንዳቸውም 2 ሺ አምስት መቶ ብር እንደሚከፍሉ በመንገር በተሳቢ መኪና ኮንቲነር ውስጥ አስገብቶ ወደ ጅቡቲ ሲጓዝ ግንቦት 7 ቀን 2008 ዓ.ም በፀጥታ ኃይሎች በቁጥጥር ስር በመዋል ክስ ተመስርቶበታል፡፡ ተከሣሹ የቀረቡበትን 8ቱን ክሶች ድርጊቱን መፈፀሙን አምኖ ጥፋተኛ ግን አይደለሁም ሲል ተከራክሯል፡፡አቃቤ ህግ የሰው እና የሰነድ ማስረጃዎችን በማቅረብ ቅጣቱ እንዲከብድለት ጠይቋል፡፡

የፌዴራል ከፍተኛ ፍርድ ቤት አራዳ ምድብ 1ኛ ወንጀል ችሎት መዝገቡን መርምሮ መጋቢት 5 ቀን 2009 ዓ.ም በዋለው ችሎት ተከሳሹን በ8ቱም ክሶች ጥፋተኛ በማለት በ16 አመት ፅኑ እሥራት እና በ4 ሺ ብር የገንዘብ መቀጮ እንዲቀጣ ሲል እንደተወሰነበት ከፌዴራል ጠቅላይ ዐቃቤ ህግ የህዝብ ግንኙትና ኮሙኒኬሽን ጉዳዮች ዳይሬክቶሬት ያገኘነው መረጃ ያሣያል፡፡

ምህረት ስዩም

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers