×

Message

[Bitly service] Message: RATE_LIMIT_EXCEEDED

  • Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ለገና በዓል ከህብረተሰቡ በግዢ የሚሰበሰብ ቆዳ ዝቅተኛ ዋጋ ላይ ስምምነት ተደረሰ

ለአለም ገበያ የቆዳ ዋጋ በማሽቆልቆሉ የኢትዮጵያ የቆዳ ዋጋም ከወረደ ሰነባብቷል፡፡የቆዳ ፋብሪካዎችም አምርተው ለውጭ ገበያ የላኩት ያለቀለት ቆዳና የቆዳ ውጤቶች ከታሰበው ዋጋ ከ40 በመቶ በታች ሲሸጡ ከርመዋል፡፡በዚህም ምክንያት የቆዳ ፋብሪካዎች የመስሪያ ገንዘብ እጥረት አጋጥሟቸው ከቆዳ አቅራቢዎች ቆዳን ገዝተው ለማስቀመጥ ተቸግረዋል፡፡በመሆኑም ባለፉት በዓላት የበግ ቆዳ እስከ 5 ብር ድረስ የተሸጠበት አጋጣሚ ተፈጥሯል፡፡

ለገና በዓል ግን ይህ አይደገምም ፋብሪካዎቹ ባይገዙ እንኳን የኢንዱስትሪ ግብአቶች አቅራቢ ድርጅት /ኢግልድ/ የተሰበሰበውን ቆዳ ሁሉ ለመግዛት ዝግጁ ነው ተብሏል፡፡ይሄንን ያሉን የኢትዮጵያ ጥሬ ቆዳና ሌጦ አቅራቢዎች ማህበር ፕሬዝዳንት የሆኑት አቶ ብርሃኑ አባተ ናቸው፡፡በጉዳዩ ላይም ትናንት የኢንዱስትሪ ሚኒስትር፣ የኢትዮጵያ ቆዳ ኢንዲስትሪ ልማት ኢንስቲቲዩትና የኢትዮጵያ ቆዳ አቅራቢዎች ማህበር መምከራቸውንም ነግረውናል፡፡በምክክሩ መሰረትም ለገና በዓል ከህብረተሰቡ የሚቀርብን ቆዳ አነስተኛ የመግዣ ዋጋ መስማማታቸውን ሰምተናል፡፡

 

ያልተቀደደን የበግ ቆዳ ከ30 ብር በታች እንዳትሸጡም ተብላችኋል፡፡ የፍየል ቆዳ ትንሹ የመሸጫ ዋጋችሁ 20 ብር ነው የተባለ ሲሆን ጥራት ያለው 17 ኪሎ የሚመዝን የበሬ ቆዳ ደግሞ ከ60 ብር በታች እንዳትሸጡ ተብሏል፡፡እንዲህ ዝቅተኛ የቆዳ መሸጫ ዋጋ ላይ ስምምነት የተደረገውም ቆዳ ለሃገሪቱ ኢኮኖሚም ከፍተኛ ጥቅም ያለው በመሆኑ ገዥ የለም ተብሎ እንዳይባክንና ህብረተሰቡም እንዳይጐዳ ነው ብለዋል አቶ ብርሃኑ፡፡

ከቆዳ አቅራቢዎች በዱቤ ቆዳ የገዙ ፋብሪካዎችም ለአቅራቢዎች ያልመለሱት ገንዘብ ነበርና አሁንስ ለአቅራቢዎች ገንዘቡ ተመለሰ ወይ ስንልም ጠይቀናቸው ነበር፡፡የአለም የቆዳ ገበያ ይሻሻላል ብለን ተስፋ እናደርጋለን የሉት አቶ ብርሃኑ ያኔ ኢትዮጵያም ከቆዳና ከቆዳ ውጤቶች ሽያጭ ከአሁኑ የተሻለ ገቢ ታገኛለች ብለን ተስፋ አድርገናል ብለዋል፡፡

ትዕግስት ዘሪሁን

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn