• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ባለፉት 10 ዓመታት በአዲስ አበባ ከተማ ለልማት የወሰዱትን ቦታ አጥረው ያስቀመጡ የ14 ተቋማትን ውል ማቋረጡን የመሬት ልማት ማኔጅመንት ቢሮ ተናገረ

ባለፉት 10 ዓመታት በአዲስ አበባ ከተማ ለልማት የወሰዱትን ቦታ አጥረው ያስቀመጡ የ14 ተቋማትን ውል ማቋረጡን የመሬት ልማት ማኔጅመንት ቢሮ ተናገረ፡፡ ከነዚህም ውስጥ 7ቱ የመንግሥት መሥሪያ ቤቶች ናቸው፡፡ የመጨረሻ የውል ማራዘሚያ ከተደረገላቸው 120 ተቋማት መካከል እስካሁን በውሉ መሰረት ወደ ግምባታ የገቡ 25 ብቻ ናቸው ተብሏል፡፡

የትዕግስት ዘሪሁንን ዝርዝር ዘገባ ያዳምጡ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (0 አስተያየት)

የካቲት 12 የሰማዕታት ቀን ሲዘከር

የካቲት 12 የሰማዕታት ቀን ሲዘከር…ተፈሪ ዓለሙ በ“ትዝታ ዘ አራዳ” መሰናዶው የየካቲት 12 ቀን 1929 ዓ.ም የፋሺስት ጣልያን ጭፍጨፋን የዘከረበትን ፕሮግራሙን ወደ ኦፊሺያል የዩትዩብ ቻናላችን ጎራ ብላችሁ እንድታዳምጡ ጋብዘናል…

አስተያየት ይፃፉ (0 አስተያየት)

16ኛው የአፍሪካ መንገዶች ጥገና ፈንድ ማህበር ጉባኤ በአዲስ አበባ መካሄድ ጀመረ

16ኛው የአፍሪካ መንገዶች ጥገና ፈንድ ማህበር ጉባኤ በአዲስ አበባ መካሄድ ጀመረ፡፡ጉባኤው በተባበሩት መንግስታት ድርጅት የአፍሪካ ኢኮኖሚ ኮሚሽን /ECA/ መሰብሰቢያ አዳራሽ ዛሬ የተጀመረ ሲሆን እስከ አርብ ድረስ ይቆያል ተብሏል፡፡የአፍሪካ መንገዶች ጥገና ፈንድ ማህበር የመንገድ ፈንድ መስሪያ ቤት ባላቸው 35 የአፍሪካ አገራት የተቋቋመ ማህበር ሲሆን አላማው በማህበሩ አባል አገራት የሚገኙ መንገዶችን በአግባቡ በመጠገን ለመጠበቅና የልምድ ልውውጥ ለማድረግ መሆኑን በጉባኤው መክፈቻ ሥነ-ሥርዓት ላይ ተገኝተን ሰምተናል፡፡

ዛሬ በተጀመረው ጉባኤ ላይ ከ35 ከአፍሪካ አገራት የመጡ የመንግስት ሀላፊዎችና ሙያተኞች እየተሳተፉ ይገኛሉ፡፡ጉባኤተኞቹ በ5 ቀን ቆይታቸው ስለ መንገድ አጠቃቀም አጠባበቅና እንዲሁም የልምድ ልውውጥ እንደሚያደርጉ ተነግሯል፡፡ከዚህ በተጨማሪ ተሳታፊዎቹ ከለቡ አዳማ የባቡር ጉዞ ያደርጋሉ ተብሎ ፕሮግራም ተይዞላችኋል፡፡

ጉባኤውን በክብር እንግድነት ተገኝተው የከፈቱት የኢትዮጵያ የትራንስፖርት ሚኒስትር አቶ አህመድ ሺዴ የአገሪቱ የመንገድ ርዝማኔ ከ100 ሺህ ኪሎ ሜትር በላይ መድረሱን ተናግረው በአሁኑ ሰዓትም ካለው አጠቃላይ መንገድ 55 በመቶ የሚሆነው በጥሩ ሁኔታ ላይ የሚገኝ ነው ብለዋል፡፡ኢትዮጵያ የአፍሪካ መንገዶች ማህበርን ከዛሬ 3 አመት ጀምሮ በፕሬዝዳንትነት እየመራች መሆኑንም ሰምተናል፡፡

ንጋቱ ሙሉ

አስተያየት ይፃፉ (0 አስተያየት)

አቶ ኃይለማርያም ደሳለኝ ባለፉት 5 አመታት በጠቅላይ ሚኒስትርነት ከቆዩ በኋላ ከእንግዲህ የቀድሞ ጠቅላይ ሚኒስትር ለመባል እንደሚፈልጉ ተናግረዋል

አቶ ኃይለማርያም ደሳለኝ ባለፉት 5 አመታት በጠቅላይ ሚኒስትርነት ከቆዩ በኋላ ከእንግዲህ የቀድሞ ጠቅላይ ሚኒስትር ለመባል እንደሚፈልጉ ተናግረዋል፡፡ከስልጣን በገዛ ፈቃድ ለመልቀቅ ብርቅ በሆነበት ኢትዮጵያ እርሳቸው እንዳሉት በፈቃዳቸውና በፍላጎታቸው መልቀቃቸው ስልጣን በሰላም በማሸጋገር ረገድ አርአያ ሆነዋል የሚል አስተያየት ሰጪዎች አሉ፡፡

እሸቴ አሰፋ ከሰነድና ከድምፅ ያገኛቸውን አስተያየቶች አጠናቅሮ ስለ አቶ ኃይለማርያም በጥቂቱ ይነግረናል…

አስተያየት ይፃፉ (0 አስተያየት)

መከላከያ ሚኒስትር ሲራጅ ፈርጌሳ የአስቸኳይ ጊዜ አዋጅ ኮማንድ ፖስት የሚወስዳቸውን እርምጃዎች አስመልክተው በዛሬው ዕለት በሰጡት ጋዜጣዊ መግለጫቸው

“የአስቸኳይ ጊዜ ኮማንድ ፖስት ሕገመንግሥቱን እና ሕገ መንግሥታዊ ስርዓቱን ለማስከበርና ከአደጋ ለመጠበቅ፤ የሕዝብና የዜጎችን ሰላምና ፀጥታ ለማስጠበቅ አስፈላጊ ነው ብሎ ሲያምን፣ ማንኛውም ሁከት፣ ብጥብጥና በሕዝቦች መካከል መጠራጠርና መቃቃር የሚፈጥር ይፋዊም ሆነ የድብቅ ቅስቀሳ ማድረግን፣ ፅሁፍ ማዘጋጀት፣ ማተምና ማሰራጨትን፣ ትዕይንት ማሳየትን በምልክት መግለፅን፣ ወይም መልዕክትን በማንኛውም ሌላ መንገድ ይፋ ማድረግን ይከለክላል፡፡

ማንኛውንም የመገናኛ ዘዴ እንዲዘጋ ወይም እንዲቋረጥ ሊያደርግ ይችላል፡፡የዜጎችንና የሕዝቦችን ሰላምና ፀጥታ ለማስጠበቅ ሲባል የአደባባይ ሰልፍ፣ ሰልፍ ማድረግን፣ መደራጀት፣ በብዙ ሰው ሆኖ መንቀሳቀስን ይከለክላል - ዝርዝሩ በመመሪያ ይወጣል፡፡

በሕገመንግሥቱና በሕገመንግሥታዊ ሥርዓቱ ላይ የሚቃጡ ወንጀሎችን የጠነሰሰ፣ የመራ፣ ያስተባበረ፣ የጣሰ ወይም ደግሞ በማንኛውም መንገድ በወንጀል ድርጊቱ የተሳተፈ ወይም ተሳትፏል ተብሎ የሚጠረጠርን ማንኛውንም ሰው ያለፍርድ ቤት ትዕዛዝ በቁጥጥር ስር ያደርጋል፤ ተገቢውን ማጣራት በማድረግ በመደበኛው ሕግ ተጠያቂ እንዲሆን ያደርጋል፡፡

ወንጀል የተፈፀመባቸውን ወይም ሊፈፀምባቸው የሚችሉ እቃዎችን ለመያዝ ሲባል ማናቸውንም ቤት፣ ቦታ፣ ማጓጓዣ ለመበርበርና እንዲሁም ማናቸውንም ሰው በማስቆም ማንነቱን ለመጠየቅ፣ ለመፈተሽ ይቻላል…

አስተያየት ይፃፉ (0 አስተያየት)

ባለቅኔ እና ፀሐፊ ተውኔት መንግሥቱ ለማ

ባለቅኔ እና ፀሐፊ ተውኔት መንግሥቱ ለማ፣

ተፈሪ ዓለሙ፣ ባለቅኔ እና ፀሐፊ ተውኔት መንግሥቱ ለማን የዘከረበትን መሰናዶውን ወደ ሸገር ኦፊሺያል የዩትዩብ ቻናላችን ጎራ ብላችሁ እንድታዳምጡ እንዲሁም ቻናላችንን Subscribe እንድታደርጉ እንጋብዛለን…

አስተያየት ይፃፉ (0 አስተያየት)

ጠቅላይ ሚኒስትር ኃይለማርያም ደሳለኝ በገዛ ፍቃዳቸው የሥራ መልቀቂያ ማቅረባቸውን ተናገሩ

ጠቅላይ ሚኒስትር ኃይለማርያም ደሳለኝ በገዛ ፍቃዳቸው የሥራ መልቀቂያ ማቅረባቸውን ተናገሩ…ጠቅላይ ሚኒስትሩ ዛሬ ከሰዓት በኋላ ለጋዜጠኞች እንደተናገሩት የመንግሥትና የኢህአዴግ ሀላፊነታቸውን ለመተው ለድርጅታቸውም፣ ለሕዝብ ተወካዮች ምክር ቤትም የሥራ መልቀቂያቸውን አስገብተዋል፡፡

የሥራ መልቀቂያቸው ተቀባይነት እንደሚያገኝ ተስፋ ማድረጋቸውንም ተናግረዋል፡፡ጠቅላይ ሚኒስትር ኃይለማርያም ደሳለኝ የሥራ መልቀቂያ ያስገቡት በአገሪቱ በተከሰተው ችግር የመፍትሄ አካል ለመሆን አስበው መሆኑን ገልፀዋል፡፡

አስተያየት ይፃፉ (0 አስተያየት)

መጋቢ ሐዲስ እሸቱ ዓለማየሁ ከጥበብ መንገድ ጋር

መጋቢ ሐዲስ እሸቱ ዓለማየሁ ከጥበብ መንገድ ጋር ያደረጉትን ቆይታ እንድታዳምጡ ጋብዘናል…

አስተያየት ይፃፉ (0 አስተያየት)

መንግሥት ለስደት ተመላሾች የቤት እቃቸውን ከቀረጥ ነፃ እንዲያስገቡ ፈቅጃለሁ ማለቱ ይታወሳል

መንግሥት ለስደት ተመላሾች የቤት እቃቸውን ከቀረጥ ነፃ እንዲያስገቡ ፈቅጃለሁ ማለቱ ይታወሳል፡፡ ከ15 ዓመታት የስደት ኑሮ በኋላ ወደ ሐገር ቤት የተመለሱት ወ/ሮ ፎዚያ እና ባለቤታቸው ግን ያመጣነውን እቃ መንግሥት ወርሶታል ተባልን ይላሉ፡፡

ስለጉዳዩ የጠየቅነው የአዲስ አበባ ኤርፖርት ጉምሩክ ቅርንጫፍ ፅ/ቤት በበኩሉ እቃው ከአንድ ወር በላይ መጋዘኑ ውስጥ ከቆየ ለመውረስ ሕጉ ይፈቅድልኛል የሚል መልስ ሰጥቶናል…

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (0 አስተያየት)

በኦሮሚያ የተለያዩ አካባቢዎች በተነሳ ተቃውሞ ፖሊስ ከአባገዳዎችና ከሀገር ሽማግሌዎች ጋር በመመካከር ሰላም ለማምጣት እየጣረ ነው ተብሏል

በኦሮሚያ የተለያዩ አካባቢዎች በተነሳ ተቃውሞ ፖሊስ ከአባገዳዎችና ከሀገር ሽማግሌዎች ጋር በመመካከር ሰላም ለማምጣት እየጣረ ነው ተብሏል፡፡በፊንፊኔ ዙሪያ ኦሮሚያ ልዩ ዞን ፖሊስ ኢንስፔክተር አዲሱ አበራ ዛሬ ለሸገር ሲናገሩ የትራንስፖርት አገልግሎቱ እንደተቋረጠ ነው ንግድ ቤቶችም እንደተዘጉ ነው ብለዋል፡፡

ዛሬ በሱሉልታ መስመር በሚወጡና የሚገቡ ተሽከርካሪዎች መጓጓዝ አልቻሉም በማለት የነገሩን ደግሞ የከተማው ትራፊክ ጽ/ቤት ሀላፊ ኢንስፔክተር ከበደ ድንቁ ናቸው፡፡በተነሳው ተቃውሞ ምክንያት አዳማ ከተማም ትናንት መንገዶች በድንጋይ ተዘጋግተው ሆቴሎችና ሱቆችም ስራ አቁመው ውለዋል በማለት የከተማው ፖሊስ ሪፖርትና ዋና ሳጂን ወርቅነሽ ገርሜቻ ነግረውናል፡፡

ወንድሙ ኃይሉ

አስተያየት ይፃፉ (0 አስተያየት)

እቴጌ ጣይቱ ብጡል (ነሐሴ 12፣ 1832 - የካቲት 4፣ 1910)እቴጌ ጣይቱ ብጡል ከዚህ ዓለም በሞት ከተለዩ 100 ዓመት ሆናቸው

እቴጌ ጣይቱ ብጡል (ነሐሴ 12፣ 1832 - የካቲት 4፣ 1910)እቴጌ ጣይቱ ብጡል ከዚህ ዓለም በሞት ከተለዩ 100 ዓመት ሆናቸው፡፡ይህን በማስመልከት በመኮንን ወልደአረጋይ የተሰራውን እቴጌይቱን የሚዘክረውን ዶክመንተሪ የመጀመሪያ ክፍል ወደ ኦፊሺያል የዩትዩብ ቻናላችን ጎራ ብላችሁ እንድታዳምጡ እንጋብዛለን…


አስተያየት ይፃፉ (0 አስተያየት)
Sheger 102.1 AudioNow Numbers