• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ታሪክን የኋሊት፣ታህሳስ 26፣2009

የሱኩር አደጋ

በፓኪስታን የሱኩር የባቡር  አደጋ በአገሪቱ ከደረሱት አስከፊ አደጋዎች አንዱ ሆኖ ይጠቀሳል፡፡

ዘግናኙ የሱኩር የባቡር አደጋ ከደረሰ ዛሬ 26 ዓመት ሞላው፡፡

ባሐኡዲን ዛካሪያ ኤክስፕረስ የፈጣን ባቡር መሥመሩ መጠሪያ ነው፡፡

ፈጣኑ ባቡር ከ800 ኪሎ ሜትር በላይ ርዝማኔ ያለውን መንገድ የካራቺን መሥመር ፉት ለማለት ከሙልታን ተነስቶ 16 ፉርጐዎችን አቀጣጥሎ የሌሊት ጉዞውን ተያያዘው፡፡

ለክፉ እጣ የተጣፈው ባለ 16 ፉርጐው የመንገደኞች ባቡር 1 ሺህ 400 መንገደኞችን የማሳፈር አቅም ነበረው፡፡

ይሁንና የባቡር አገልግሎት ሰጭው መሥሪያ ቤት ባቡሩ ከማሣፈር አቅሙ በላይ በሆኑ መንገደኞች እፍግፍግ ሲጨናነቅ የደህንነቱን ጉዳይ ነገሬም አላሉትም፡፡

አይቶ እንዳላየ ሆኑ፡፡

ባቡሩ ከአቅሙ በላይ በተሳፋሪዎች እንደተፋፈገ የሌሊት ጉዞውን ጥድፊያ ተያያዘው፡፡ ባቡሩ ወዳለመው ሥፍራ በፍጥነት እያመራ ሳለ ሳንጊ በተባለችዋ መንደር ብዙዎች ያልጠበቁት ሆነ፡፡

በመንደሯ ቆሞ ከነበረ የመኪና መጫኛ ትልቅ ባቡር ጋር ተላተመ፡፡

ተጨማሪ ያንብቡ...

አስተያየት ይፃፉ (1 Comment)

ታሪክን የኋሊት፣ታህሳስ 24፣2009

የነዳጅ ላኪዎቹ ሐገራት ብቀላ

ከ42 ዓመት በፊት አረቦችና እስራኤል ታላቅ ጦርነት አካሄዱ፡፡

አረቦቹ በጦርነቱ ጥሩ ጅማሬ ቢያሳዩም ፍፃሜያቸው በተቃራኒው ሆነ፡፡ በእስራኤል ተሸነፉ፡፡

አረቦች በጦርነቱ እስራኤልን በጦር መሳሪያና በሌላውም ድርጅቷ ደግፋታለች በተባለችው አሜሪካና አጋሮቿ ላይ አቄሙ፡፡

እኛም በእጃችን ባለው ብለው በነዳጅ አቅርቦት ሊበቀሏቸው ተነሱ፡፡ ነዳጃቸውን የብቀላ መሳሪያ አደረጉት፡፡

የነዳጅ ዘይት ምርት መጠንን መቀነስና የዋጋ ጭማሪ የነዳጅ አምራችና ላኪዎቹ የበቀል እርምጃ ስልት ሆነ፡፡

የነዳጅ ምርት መጠኑ ከመቀነሱም በተጨማሪ በመጀመሪያ ዋጋውን በ70 በመቶ ጨመሩ፡፡

በዚህ ብቻ አላበቃም በዘመኑ በበርሜል 3 ዶላር የነበረው የድፍድፍ የነዳጅ ዘይት ዋጋ በአራት እጥፍ ጨምሮ 12 ዶላር ገባ፡፡

ይሄኔ የዓለም ምጣኔ ሐብት ከ1930ዎቹ ታላቁ የኢኮኖሚ ምስቅልቅል በኋላ ታይቶ ለማይታወቅ ቀውስ ተጋለጠ፡፡

በዘመኑ በነዳጅ ዘይት አምራችና ላኪ አገሮቹ የበረታ አድማ የአሜሪካንን፣ የአውሮፓ የኢኮኖሚ ማህበረሰብንና የጃፓንን ምጣኔ ሐብት ክፉኛ አንገዳግደው፡፡

ብዙዎችንም የወጭው ጫናና ተፅዕኖው ወገቤን አሠኛቸው፡፡

የዚያን ጊዜው የአሜሪካው ፕሬዝዳንት ሪቻርድ ኒክሰን የነዳጅ ነገር ለአገራቸው አስጨናቂ ቢሆንባቸው እንደ ጊዜው እንሁን፤ ኑሮ በዘዴ አሉ፡፡

ተጨማሪ ያንብቡ...

አስተያየት ይፃፉ (0 አስተያየት)

ታሪክን የኋሊት፣ታህሳስ 19፣2009

የሜሲናው የመሬት ነውጥ

ዓለማችን ለቁጥር የሚያታክቱ የመሬት ነውጦችን አሳልፋለች፡፡

የደቡባዊ ጣሊያኖቹን የሜሲናና ሬጂዮ ካላብሪያ ከተሞችን ሙሉ ለሙሉ እንዳልነበሩ አድርጎ ያጠፋቸው አስከፊ ርዕደ መሬት የደረሰባቸው የዛሬ 108 ዓመት በዛሬዋ ዕለት ነበር፡፡

አስከፊው የሜሲና ርዕደ መሬት ዋነኛ የንቅናቄ ማዕከሉን የሲሲሊዋን ሜሲና ከተማን አደረገ፡፡

በርዕደ መሬት መለኪያ /ሬክተር ስኬል/ 7 ነጥብ 1 ተመዘገበ፡፡

አካባቢውን ከ30 እስከ 40 ሰኮንድ ክፉኛ አርገፈገፈው፡፡ ግልብጥብጡን አወጣው፡፡ እንደ ኳስ አነጠረው፡፡

የንቅናቄ ማዕከሉ የሲሲሊ ደሴቷ ሜሲና ብትሆንም በዋናዋ ጣሊያን ደቡባዊ ጫፍ የምትገኘውንም ሬጂዮንም መታት፡፡

በዚያ ላይ እዚህም እዚያም እሳት ተቀስቅሶ ቃጠሎ ሆነ፡፡

ጥፋቱና ውድመቱ በሜሲና  እና ሬጂዮ ካላብሪያ ከተሞች ላይ ቢከፋም በ300 ኪሎ ሜር መጠን ዙሪያ የተለያየ ደረጃ ጉዳት አስከትሏል፡፡

ርዕደ መሬቱ ከ108 ዓመታት በፊት የነበረችዋን የሜሲና ከተማን እንዳልነበረች አደረጋት፡፡

ተጨማሪ ያንብቡ...

አስተያየት ይፃፉ (0 አስተያየት)

ታሪክን የኋሊት፣ታህሳስ 17፣2009

ታላቁ ነውጥ

ታላቁ የሕንድ ውቅያኖስ ነውጥ የደረሰው የዛሬ 12 ዓመት በዛሬዋ ዕለት ነበር፡፡

የታላቁ ነውጥ መነሻ ከኢንዶኔዥያዋ ሱማትራ በስተሰሜን በ160 ኪሎ ሜትር ርቀት ከሴሜውሉ ደሴት በ30 ኪሎ ሜትር ጥልቀት ከሚገኝ የውቅያኖስ ክፍል ነው፡:

መነሻው ከሲሜውሉ ደሴት ጥልቅ የውቅያኖስ አካል ቢሆንም እንቅጥቃጤው ሰፊ የዓለማችንን ክፍሎች አካልሏል፡፡

በርዕደ መሬት መለኪያ /ሬክተር ስኬል/ 7 ነጥብ የሚመዘገብ ነውጥ አደገኛ ተደርጎ ይቆጠራል፡፡

በኢንዶኔዥያ ነውጥ ግን ከዚያ በላይ 9 ነጥብ 3 ሆኖ መመዝገቡ ከአደገኛ ይበልጥ አደገኛ እንደነበር ያስረዳል፡፡

ነውጥ በሬክተር ስኬል መለካት ከጀመረበት አንስቶ እስከዚያን ጊዜ በነበሩ 100 ዓመታት ውስጥ ከደረሱት በ3ኛው ከባድ ነውጥነት ተመዝግቧል፡፡

ነውጡ ሌላም ባህሪ ነበረው፡፡ እግጅ አደገኛ የተባሉት አብዛኞቹ ነውጦች ከፍተኛ ጥፋት የሚያደርሱት በጥቂት ሰኮንዶች ቅፅበት ሲሆን የዛሬ 12 ዓመት የደረሰው እስከ 10 ደቂቃ የዘለቀ ነበር፡፡

በዚያው ቅፅበት ኢንዶኔዥያን ብቻ ሳይሆን ባንግላዴሽን፣ ሕንድን ሲሪላንካን፣ ማያንማርን፣ ታይላንድን ሲንጋፖርንና የማልጂቭስ ደሴቶችንም ክፉኛ አርገፍግፏቸዋል፡፡

ነውጡ ከእስያ አገሮች አልፎ እስከ አሜሪካዋ አላስካ ድረስ ተሰምቷል፡፡

ተጨማሪ ያንብቡ...

አስተያየት ይፃፉ (0 አስተያየት)

ታሪክን የኋሊት፣ታህሳስ 14፣2009

የአፍጋኒስታን ነገር

አፍጋኒስታን እንዲህ እንዳሁኑ ከ30 ዓመታት በፊትም ሰላም አልነበራትም፡፡

የቀድሞዋ ሶቪየት ኅብረት ጦር ተባባሪዎቼ ናቸው ያላቸውን የአገሪቱን የፖለቲካ ወገኖች ለመደገፍ ወደ መዲናዋ ካቡል የዘለቀው የዛሬ 37 ዓመት በዛሬዋ ዕለት ነበር፡፡

ከወረራው ቀድሞ በነበሩ ዓመታት በአፍጋኒስታን በተለያየ ደረጃ ለሶቪየቶች ቅርበት የነበራቸው የአገሬው ፖለቲከኞች ሥልጣን ላይ የነበሩ ቢሆንም እርስ በርሣቸው ሽኩቻ ያዙ፡፡

በዚያ ላይ እዚህም እዚያም በአስተዳደሩ ላይ ብረት ያነሱ አማፂያን እንደ አሸን ፈሉ፡፡

የዘመኑ የአፍጋኒስታን ፕሬዝዳንት ሐፊዙላህ አሚን የሶቪየቶቹ ግልፅ ጠላት ባይሆኑም በሥልጣን ላይ ከነበረው የፖለቲካ ማኅበር የሶቪየቶች ታማኞችን ማባረር መግደላቸው በሞስኮ ቂም አስቋጠረባቸው፡፡

ለሞስኮ ያላቸውም ታማኝነት ጥርጣሬ ውስጥ ገባ፡፡

ከዘመኑ የአሜሪካ ጉዳይ ፈፃሚ ጋር በሚስጥር መምከራቸውን ሶቪየቶቹ ደረሱበት፡፡

አሚን የአሜሪካ ማዕከላዊ የስለላ ድርጅት /CIA/ ምልምል ናቸው ከሚል ድምዳሜ አደረሳቸው፡፡

አቄሙባቸው፡፡

በቀድሞዋ ሶቪየት ኅብረት ገናና የስለላ ድርጅት /KGB/ የሚደገፉ የሶቪየት አልፋ ኮማንዶ ክፍል ልዩ ኃይል ወታደሮች የአፍጋኒስታንን መደበኛ ሰራዊት የደምብ ልብስ በመልበስ ርዕሰ ከተማዋ ካቡልን ከተቀረው የአገሪቱ ክፍል ቆርጠው ሙሉ በሙሉ ተቆጣጠሯት፡፡

ተጨማሪ ያንብቡ...

አስተያየት ይፃፉ (0 አስተያየት)
Sheger 102.1 AudioNow Numbers