• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ታሪክን የኋሊት፣ጥቅምት 28፣2009

የሶቭየቶች ሰላይ ሪቻርድ ሶርጌ

ሪቻርድ ሶርጌ ከ2ኛው የዓለም ጦርነት መዳረሻ አንስቶ እስከ መፋፋሚያው ከነበሩ ስመ ገናና ቀድሞዋ ሶቪየት ህብረት የስለላ አቀላጣፊዎች አንዱ ሆኖ ይነሳል፡፡

ሶርጌ በዚሁ ሚስጥራዊ ተልዕኮ ላይ እንዳለ ጃፓን ውስጥ ተይዞ ከታሰረ በኋላ በስቅላት የተቀጣው የዛሬ 72 ዓመት በዛሬዋ ዕለት ነበር፡፡

ሶርጌ ከጀርመናዊ አባቱና ከሩሲያዊት እናቱ የተወለደው በአዘርባጃን ባኩ ነው፡፡

ገና ሕፃን ሳለ ከቤተሰቡ ጋር ወደ ጀርመን በርሊን አመራ፡፡

በ1ኛው የዓለም ጦርነት ሂደት በውትድርና ተመልምሎ በጀርመን ጦር ውስጥ አገልግሏል፡፡
እስከ ዶክትሬት ዲግሪ ዘልቋል፡፡

የወላጅ አባቱ ግራ ዘመም የፖለቲካ አቋም ተፅዕኖ በእሱም ላይ አድሮ የሕቡዕ የጀርመን ኮሚኒስቶች የፖለቲካ ማህበር አባል ሆነ፡፡

በዚህም የተነሳ በዓይነ ቁራኛ መታየቱና ክትትሉ ቢበዛበት ከስራውና ከማስተማር ተግባሩ እንደታገደ ወደ ሩሲያ ሞስኮ ተሰደደ፡፡

የዚያ ጊዜው የሶቪየቶቹ ወታደራዊ የስለላ ተቋም /ግሩ/ ባልደረባው አድርጎ መለመለው፡፡
በጋዜጠኛነት ሽፋንም በሰላይነት ወደተለያዩ የአውሮፓ አገሮች ያሰማራው ያዘ፡፡

ተጨማሪ ያንብቡ...

አስተያየት ይፃፉ (0 አስተያየት)

ታሪክን የኋሊት፣ጥቅምት 24፣2009

የዌልሄልም ሻቬን መደብደብ

በ2ኛው የዓለም ጦርነት በተፋላሚ ወገኖቹ ዘንድ ከፍተኛ ውድመትና ጥፋት ደርሷል፡፡

ጃፓኖች በአሜሪካ ሐዋይ የፐርል ሐርበርን የባሕር ኃይል መደብ በአየር ጥቃት ምንቅርቅሩን በማውጣት በሺህዎች የሚቆጠሩትን ገድለውና ከባድ ውድመትና ጥፋት በማድረስ አገሪቱን ወደ ጦርነቱ እንድትሳብ ማድረጋቸው አንዱ አጋጣሚ ሆኖ ይነሳል፡፡

የሕብረቱ ኃይሎች በብዙ መቶዎች የሚቆጠሩ የጦር አውሮፕላኖቻቸውን በማሰማራት ዌልሄልም ሻቬን የተሰኘውን የጀርመን የወደብ ከተማ አንዳልነበረ ያደረጓት የዛሬ 73 ዓመት በዛሬዋ ዕለት ነበር፡፡

ወደ ሰሜናዊ ባሕር ተጠግቶ የሚገኘው ዊልሄልም ሼቨን ወደብ የከተማዋን ስያሜ የሚጋራና ከጥንት ጀምሮ በምጣኔ-ሐብታዊ ማቀለጣጠፊያ ሆኖ ዘልቋል፡፡

ራሱን የቻለ የመርከብ ግንባታና ምህንድስናም የወደቡ መታወቂያ ነው፡፡

ወደ 2ኛው የዓለም ጦርነት መቃረቢያ አድሚራል ግራፍ ስፒ የተሰኘው ግዙፍ የጀርመኖች የጦር መርከብ ተገንብቶ ለአገልግሎት የበቃው ከዚሁ ወደብ ተነስቶ ነው፡፡

ዓለምን በጦር ኃይል አንበርክኮ የማስገበር ክፉ ኃሳብ ያደረባቸው የጀርመን ናዚዎች የጃፓን ወረራዎችንና የጣሊያን ፋሽስቶችን በግብረ አበርነት ከጐናቸው አሰለፉ፤ የአክሲስ ኃይሎች ተሰኙ፡፡

እነ አሜሪካና እንግሊዝ ከቀድሞዋ ሶቪየት ኅብረት ጋር በፀረ አክሲስነት አንድ ላይ ሆኑ፡፡

የኅብረቱ ኃይሎች ተባሉ፡፡

ተጨማሪ ያንብቡ...

አስተያየት ይፃፉ (0 አስተያየት)

ታሪክን የኋሊት፣ጥቅምት 23፣2009

የዛሬ 86 ዓመት ልክ በዛሬው ቀን በአዲስ አበባ የመጨረሻው የንግስ ስርዓት እየተካሄደ ነበር፡፡

አዲስ አበባ ከየአውራጃዎቹ በመጡ የጦር አበጋዞችና ወታደሮች ሲቪሎችና የውጭ ሃገር እንግዶች ተጨናንቃ ነበር፡፡

በዘመናዊ ወታደራዊ አለባበስ በወርቅና በብር ለምድ፤ በአንበሳ ጐፈርና ከካባ ላንቃ ያጌጡ፣ ጠመንጃ ይዘው ጐራዴ በታጠቁ ወታሮች መተንፈሻ አጥታለች፡፡

ያቺ እለት የመጨረሻው የኢትዮጵያ ንጉስ ነገስት ቀዳማዊ ኃይለ ስላሴ የንግስ በዓል የሚከበርበት ነበር፡፡

በእለቱ ንጉሰ ነገስቱ አዋጅ አሰነግረው ኃይለ ስላሴ የሚለው ስመ መንግሥታቸው መደበኛ መጠሪያዬ ይሁን አሉ፡፡

ከዚያ በፊት ስማቸው ተፈሪ መኮንን ነበር፡፡

ሐረርጌ ተወልደው በዚያው ያደጉት በሐረርጌ ገዢነትም የተሾሙት ተፈሪ መኮንን በ1909 በአልጋ ወራሽነት ተሠየሙ፡፡

ቀስ በቀስም ስልጣናቸውን እያሰፉ ወሎንና ባሌን ደርበው በገዢነት ተሾሙባቸው፡፡

ንግስተ-ነገስታት ዘውዲቱ ከዚህ ዓለም በሞት ከተለዩ አልጋውን ወርሰው የመላው ኢትዮጵያ ንጉስ ነገስት ሆኑ፡፡

አፄ ኃይለ ስላሴ እስከ ጣሊያን ወረራ ድረስ ኢትዮጵያን ከዘመናዊ አስተዳደር ጋር ለማዛመድ ብዙ መድከማቸው ይነገራል፡፡

ሕገ መንግስትም እንዲወጣና የፓርላማ አመራረጥ እንዲጀመር የሞከሩት ያን ጊዜ ነው፡፡

ተጨማሪ ያንብቡ...

አስተያየት ይፃፉ (0 አስተያየት)

ታሪክን የኋሊት፣ጥቅምት 22፣2009

የአውሮፕላን የቦምብ ድብደባ

የአውሮፕላን የቦምብ ድብደባ ዛሬ ላይ መጠኑም አይነቱም በዝቶ ይገኛል፡፡

ምጥቀቱ የአጥፊነትና የደምሳሽነት አቅሙም በከፍተኛ ደረጃ አድጓል፡፡

ዒላማን አነፍንፎ በትክክል መርጦና መንጥሮ ማደባየት ላይ ደርሷል፡፡

አሁን አሁን ሰው አልባዎቹ በራሪ አካላት /ድሮኖች/ ያሻቸው ስፍራ ደርሰው በርቀት መቆጣጠሪያ ተልዕኳቸውን እየተወጡ ነው፡፡

የአውሮፕላን የቦምብ ድብደባ እዚህ ከመድረሱ በፊት አንድ ብላ ስራ ላይ ያዋለችው ጣሊያን ነች፡፡

ሊቢያን ከኦቶማን ቱርኮች አስልቅቆ የመያዝ ኃሳብ ያደረባት ጣሊያን በዓለማችን የመጀመሪያው የሆነውን የአውሮፕላን የቦምብ ድብደባ የፈፀመችው የዛሬ 105 ዓመት በዛሬዋ እለት ነው፡፡ 

በዘመኑ ነቃ ነቃ ማለት የጀመረችው ጣሊያን እንደነ እንግሊዝና ፈረንሳይ የቅኝ አገሮችን የመያዝ ፍላጐት አደረባት፡፡

በወቅቱ የሰሜን አፍሪካንና የመካከለኛው ምስራቅን ተቆጣጥረው የነበሩት የኦቶማን ቱርኮች እየተዳከሙ ነበር፡፡

የተዳከመውን የቱርክ ኃይል ፈንቅላ ሊቢያን ለመያዝ ጣሊያን ዘመቻዋን ጀመረች፡፡

በዚህ ጊዜ በጠላት ይዞታ ላይ ከአውሮፕላን ቦምብ የመጣል መላው ተፀነሰ፡፡

ተጨማሪ ያንብቡ...

አስተያየት ይፃፉ (0 አስተያየት)

ታሪክን የኋሊት፣ጥቅምት 21፣2009

ኢንድራ ጋንዲ

ኢንድራ ጋንዲ በሕንድ ታሪክ ውስጥ አንፀባራቂ ኮከብ ሆነው ያለፉ ስመ ገናና እንስት ናቸው፡፡

አባታቸው ጃሐዋራላ ኔሩ የህንድ የመጀመሪያው ጠቅላይ ሚኒስትር ነበሩ፡፡

ኢንድራ ጋንዲም ጠቅላይ ሚኒስትርነቱን ጨብጠው አገር መርተዋል፡፡

ልጃቸው ራጂብ ጋንዲም በዚሁ መንግሥታዊ የኃላፊነት ደረጃ አገልግለዋል፡፡

እናትና ልጁ ኢንድራና ራጂብ ጋንዲ ሕይወታቸውን በግድያ በማጣታቸው እንደ ጠቅላይ ሚኒስትርነታቸው ሁሉ ያመሳስላቸዋል፡፡

ኢንድራ ጋንዲ በገዛ ጠባቂ አንጋቾቻቸው የተገደሉት የዛሬ 32 ዓመት በዛሬዋ ዕለት ነበር፡፡

ኢንድራ የሕንድ የመጀመሪያዋ ሴት ጠቅላይ ሚኒስትር ከመሆናቸውም በላይ በዚህ ኃላፊነት ለረጅም ጊዜ የመሪነት ድርሻቸውን በመወጣት ይታወቃሉ፡፡

በኢንድራ ጋንዲ የመጨረሻ ዘመን የሲክ ፖለቲከኖች ከራስ ገዝም አልፎ ከሕንድ የተነጠለ ነፃ መንግስት ይኑረን የሚለውን ጥያቄ ማራገብ ያዙ፡፡

እንደውም ጠመንጃ አንግበው ፈቃዳቸውን በአፈሙዝ ለማሟላት ተነሱ፡፡

የተወሰኑ የተገንጣዩ ክፍል ታጣቂዎች ወርቃማው ቤተ መቅደስ በተሠኘው የሲኮች ቤተ አምልኮ መሸጉ፡፡ ዋነኛ ማዘዣ ጣቢያቸውን በዚያው አደረጉ፡፡ የጦር መሳሪያ ማከማቸቱን ተያያዙት፡፡ የሐገሪቱን ሰላም መረጋጋትና ደህንነት የማረጋገጥ ከፍተኛው ኃላፊነት ስላለባቸው ኢንድራ ጋንዲ አማፂያኑ ትጥቅ ፈትተው የጦር መሳሪያቸውን እንዲያስረክቡ አዘዙ፡፡

ተጨማሪ ያንብቡ...

አስተያየት ይፃፉ (0 አስተያየት)