• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ታሪክን የኋሊት፣ሚያዝያ 12፣2009

በአጭሩ የተቀጨው የሊግ ኦፍ ኔሽንስ ነገር…

ከ2ኛው የዓለም ጦርነት ባይስተካከልም ከ97 ዓመታት በፊት የተካሄደው የ1ኛው የዓለም ጦርነት ከፍተኛ ጥፋትና ውድመት አድርሷል፡፡

በጦርነቱ ሂደት ለሰላም የሚሞግትና ጥብቅና የሚቆም ዓለማዊ ድርጅት እንዲመሠረት ኃሳብ ቀረበ፡፡

ለዚህ ዓላማ የተቋቋመው ሊግ ኦፍ ኔሽንስ በአጭር የተቀጨውና ሕልውናው ያከተመው የዛሬ 71 ዓመት በዛሬዋ ዕለት ነበር፡፡

የ1ኛው የዓለም ጦርነት ጥፋትና ውድመት ያነቃቸው ወገኖች ስለ ሰላም የሚቆም፣ የሚከራከር፣ ለሰላም ጥበቃም ዘብ የሚቆም ዓለም አቀፍ ድርጅት እንዲቋቋም ጐተጐቱ፡፡

በ1ኛው የዓለም ጦርነት ማብቂያ በፓሪስ በተካሄደው የሰላም ጉባዔ ሊግ ኦፍ ኔሽንስ /የመንግሥታቱ ማኅበር/ ተመሠረተ፡፡

የሰላም ማኅበር ሲሉ የሚያቆላምጡትም ነበሩ፡፡

ይሁንና ብዙም ሳይዘልቅ ለዓላማው መቆም ተሳነው፡፡

ታላላቅ ጉልበተኛ አገሮች በአቅመ ደካሞቹ ላይ የግፍ ወረራ ሲፈፅሙና በማናለብኝነት ሲታበዩ ሐይ ማለት ተሳነው፡፡

ኢትዮጵያ የማኅበሩ አባል ሆና ሳለ በፋሽስቶች የግፍ ወረራ ሲፈፀምባት ላስጥልሽ ብሎ አልተነሳም፡፡

ተጨማሪ ያንብቡ...

አስተያየት ይፃፉ (0 አስተያየት)

ታሪክን የኋሊት፣ሚያዝያ 10፣2009

የሂሳብና የፊዚክስ ሊቁ አልበርት አንስታይን ከሊቅነትም በላይ በሊቀ ሊቃውትነቱ ይታወቃል፡፡ይሄ ስሙም ዝናውም ስራውም የገዘፈ ሊቅ ከዚህ ዓለም በሞት የተለየው የዛሬ 62 ዓመት በዛሬዋ እለት ነው፡፡አነስታየን ከአይሁዳዊ ቤተሰብ የተወለደው ጀርመን ውስጥ ነው፡፡
ሕፃን ተማሪ ሳለ አባቱ የአቅጣጫ ማመልከቻ የኪስ ኮምፓስ ያሳየዋል፡፡ ሕፃኑ አነስታየን መርፌ መሳይዋ የኮምፓሱ አቅጣጫ አመላካች ቀስት ወዲህ ወዲያ ስትል አስተዋለ፡፡
 
አንስታይን የአቅጣጫ አመላካቿ ወዲህ ወዲያ ማለት ያለ ምክንያት አይደለም አለ፡፡
 
ማሰላሰል መመራመሩን ተያያዘው፡፡
በወጣትነቱ በሲዊዘርላንድ በዙሪክ ፖሌቴክኒክ ኢንስቲትዩት ለማመር የመግቢያ ፈተና ወሰደ፡፡
 
አጠቃላይ ውጤቱ ወደ ተቋሙ ከሚያስገባው በታች ሆነ፡፡ ነገር ግን ፈተና ከወሰደባቸው የትምህርት አይነቶች በሂሳብና በፊዚክስ ያመጣው ውጤት በተቋሙ ታሪክ ታይቶ የማይታወቅ ከፍተኛ ውጤት ነበር፡፡
 
አነስታይን ተቀጥሮ ያከናውናቸው ከነበሩ ስራዎች በተጓዳኝ በፊዚክስና ሂሳብ መስክ ወደ ሰፊ ጥናትና ምርምሩ ገባ፡፡
 
ከዙሪክ ዩኒቨርስቲም የዶክትሬት ዲግሪውን አገኘ፡፡
 
የአንፃራዊነት ንድፈ ኃሳብና ሌሎችም ለሳይንስ ታላቅ እርምጃ ማሳየት አሻራ ያኖሩ ስራዎቹ ዕውቅናና ክብሩን አገዘፉለት፡፡
 
ከ300 በላይ ከፍተኛ ሳይንሳዊ ዋጋ ያላቸውን የምርምርና የጥናት ፅሁፎችን አበረከተ፡፡
 
አነስታየን ስሙ ሊቀ-ሊቃውንት ለሚለው ቃል አቻ ፍቺ እስከመሆን ደረሰ፡፡
በፊዚክስ ዘርፍ የኖቤል ሸልማት ባለክብርም ሆኗል፡፡

ተጨማሪ ያንብቡ...

አስተያየት ይፃፉ (0 አስተያየት)

ታሪክን የኋሊት፣ሚያዝያ 4፣2009

የዩሪ ጋጋሪን የጠፈር ጉዞ

የዛሬዋ እለት በጠፈር ምርምርና ጉዞ ታሪክ ልዩ ቦታ አላት፡፡

ሩሲያዊው ጠፈረተኛ ዩሪ ጋጋሪን ቨስቶክ 1 በተባለችዋ መንኮራኩር ወደ ሕዋው የምድራችን ምህዋር የመጠቀው የዛሬ 56 ዓመት በዛሬዋ እለት ነው፡፡

ይህም ጠፈረተኛውን በጠፈር ሳይንስ ታሪክ ወደ ሕዋው በመምጠቅ የመጀመሪያው ያደረገው ክስተት ነበር፡፡

ሕዋውን የተምነሸነሸበት ዩሪ ጋጋሪን በትምህርት ቤት ቆይታው የትራክተር ቴክኒክን አጠና፡፡

በስራ ዓለምም በወደብ የመርከብ እቃ ጫኝና አውራጅነትም በትርፍ ጊዜ ሠራተኛነትም አገልግሏል፡፡

ጋጋሪን በዚህ ሁኔታ ውስጥ እያለ ወደ አውሮፕላን በረራ አፍቃሪዎች ክበብ ብቅ ብቅ ማለት ጀመረ፡፡

የባለ ሁለት ሰው አነስተኛ አውሮፕላኖችን ማብረር ተለማመደ፡፡

ይሄ ልምምዱ ኋላ የሶቪየት ህብረት አየር ኃይልን እንዲቀላቀል አገዘው፡፡

በአየር ኃይል ስልጠናው በዘመኑ ዘመን አፈራሽ የነበረውን ሚግ 15 እንደልቡ የሚያቀለጣጠፍበትን ልምድ አስጨበጠው፡፡ በበረራው ተካነበት፡፡

በመጀመሪያ ምክትል የመቶ አለቃ ብዙም ሳይቆይ የመቶ አለቃ ሆነ፡፡

ጋጋሪን ከተዋጊ ጄት አብራሪነቱ በተጨማሪ የተለያዩ የስፖርታዊ ጨዋታዎችን ስራዬ ብሎ ተያያዘ፡፡

ሶቪየት ህብረት የቨስቶክ የጠፈር መጠቃ ሲወጠን ጋጋሪን ለዚሁ ተግባር ከተመረጡት ከ20 ከማይበልጡ ወጣት መኮንኖች አንዱ ሆነ፡፡

ተጨማሪ ያንብቡ...

አስተያየት ይፃፉ (0 አስተያየት)

ታሪክን የኋሊት፣ሚያዝያ 2፣2009

ታላቁ እሳተ ገሞራ…

የታምቦራ ተራራ በኢንዶኔዥያ ከተራሮቹ ነገስታት አንዱ ነው፡፡

የዛሬዋ እለት በዚህ ተራራ ታሪክ የተለየ ቦታ አላት፡፡

የዚህ ተራራ እሳተ ገሞራ ፈንድቶ ታላቅ ጥፋት ማድረስ የጀመረው የዛሬ 200 ዓመት በዛሬዋ እለት ነበር፡፡

በታምቦራ ተራራ ስር የታመቀው እሳተ ገሞራ ለበርካታ አስርት ዓመታት ከምድር ውስጥ ሲንተከተክና ሲብላላ ኖሮ መጣሁ መጣሁ አለ፡፡

ታላቅ ፍንዳታም ሆነ፡፡ የእሳተ ገሞራው ትፍ ገንፍሎ የተራራውን አናት ጥሶ እንደሮኬት ወደ ሰማይ ተመነጠቀ፡፡

የእሳተ ገሞራው ፍንዳታ ከታምቦራ ተራራ ከ2 ሺህ ኪሎ ሜትር በላይ ርቀት እስካላት ሱማትራ ደሴት ድረስ ተሠማ፡፡

ከተራራው የተንዠቀዠቀው የእሳት ጅረትና ትፍ አመዱ አገሩን አዳረሰው፡፡

86 ኪሎ ሜትር ርዝመትና 36 ኪሎ ሜትር ስፋት አካለለ፡፡

የእሳተ ገሞራ ትፉ ዛፎችን መነጋገለ፡፡ ስብሉንም በላ፡፡ እስከ 4 ሜትር ከፍታ ያለውም መለስተኛ የሱናሚ ማዕበልም ቀሰቀሰ፡፡

የእሳተ ገሞራው ፍንዳታ ያስከተለው ተፅዕኖ ከኢንዶኔዥያም የተሻገረ ነበር፡፡

ተጨማሪ ያንብቡ...

አስተያየት ይፃፉ (0 አስተያየት)

ታሪክን የኋሊት፣መጋቢት 29፣2009

ሰር ዊንስተን ቸርችል

ዊንስተን ቸርችል በብሪታንያ ታላቅ አሻራቸውን ያኖሩ ታላቅ የፖለቲካና የአስተዳደር ሰው ነበሩ፡፡

ቸርችል በ2ኛው የዓለም ጦርነት ዘመን የብሪታንያ ጠቅላይ ሚኒስትር የነበሩ መሆኑ የመከራ ወቅት መሪነታቸው ልዩ ታዋሽ አድርጓቸዋል፡፡

ቸርችል ጦርነቱ ካበቃ በኋላ በጠቅላይ ሚኒስትርነት ሲያገለግሉ ቆይተው በጤና መጓደል ምክንያት ሥልጣን የለቀቁት የዛሬ 62 ዓመት በዛሬዋ ዕለት ነበር፡፡

ቸርችል በወጣትነታቸው ወደ ብሪቲሽ ሮያል ወታደራዊ ኮሌጅ ገብተው የጦር ትምህርት ቀስመዋል፡፡

በተለያዩ አገሮችም በብሪታንያ ጦር ኃይል ባልደረባነት አገልግለዋል፡፡

ከጦሩም ከተሰናበቱ በኋላ ሞርኒንግ ፖስት ለሚሰኝ ጋዜጣ በጦር ጉዳዮች ዘጋቢነት ሰርተዋል፡፡

በፓርላማ እንደራሴነታቸው ዘመን በተለይም የአገሪቱ ባሕር ኃይል እንዲዘምንና ትጥቁ እንዲሻሻል ብዙ ጐትጉተዋል፤ ተሣክቶላቸዋልም፡፡

ለአየር ኃይሉም ዕድገት የበኩላቸውን ድርሻ ተወጥተዋል፡፡

ቸርችል ወታደራዊ እውቀታቸውና ፖለቲካዊ ብሥለታቸው አገሪቱ ወዳልቀረላት ወደ 2ኛው የዓለም ጦርነት በገባች ጊዜ እሳቸው ጠቅላይ ሚኒስትር የነበሩ መሆኑ ለብሪታንያ መልካም አጋጣሚ እንደሆነላት ተመሥክሮላቸዋል፡፡

ገና ከመነሻውም አንስቶ ቸርችል የ2ኛው የዓለም ጦርነት ቆስቋሾች የሆኑትን ናዚዎች አነሳስና አዝማሚያ በብርቱ መንቀፍና መቃወማቸው የሚታወቁበት ነው፡፡

ከትችትና ተቃውሞም ባለፈ ናዚዎቹ የጋረጡት አደጋ ለብሪታንያም እንደሚተርፋት በትክክል ገምተዋል፤ አስልተዋል፡፡

ተጨማሪ ያንብቡ...

አስተያየት ይፃፉ (0 አስተያየት)
Leza Vote Banner
Sheger 102.1 AudioNow Numbers