• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ታሪክን የኋሊት፣መጋቢት 11፣2009

የምፅዐት ቀን ናፋቂው እምነት

ሳሪን የተሰኘው መርዛማ ጋዝ ከአደገኛና ሕዝብ ጨራሽ ኬሚካላዊ ንጥረ ነገሮች ይመደባል፡፡

የነርቭ ሕዋሶችን በማጥቃትም ይታወቃል፡፡

በጃፓኗ ርዕሠ ከተማ ቶኪዮ የምድር ውስጥ ለውስጥ የባቡር መተላለፊያ መስመር የተለያዩ ጣቢያዎች የሳሪን ጋዝ ተረጭቶ 12 ሰዎችን የገደለው የዛሬ 22 ዓመት በዛሬዋ እለት ነበር፡፡

የነርቭ ጋዝ ጥቃቱ መሪና ዋነኛ አቀነባባሪ ራሱን በራሱ አምላክ ያሠኘ ሾኮ አሠሃራ የተባለ ኦምሽነሪኪው ምፅአት ናፋቂ ቡድን መሪ ነው፡፡

ሾኮ አሳሃራ ከጥቃቱ ጥቂት ዓመታት ቀደም ብሎ የምፅዓት ቀን ሰባኪ መፅሐፍን ፃፈ፡፡ 
ዓለም ትቀበለዋለች ያላቸውን ፍዳዎችና መከራዎችም አተተ፡፡ ምጥ ጣሯን ተነተነ፡፡ 
ትንቢት ነው ያለውን መጥፎ መጥፎውንም መከራ ዘረዘረ፡፡

እዚህና እዚያ ይደርሳሉ ያላቸው መከራና ፍዳዎች በሦስተኛው የዓለም ጦርነት እንደሚደመደም ቀበጣጠረ፡፡

የጦርነቱ ማሳረጊያ ዓለምን የሚያጠፋት የኒኩሊየር አርማጌዲዮን ይሆናል አለ፡፡
ዓለምም ከ20 ዓመት በፊት እንደ ጐርጐሮሳዊው አቆጣጠር በ1997 እንደምትጠፋ አሟረተ፡፡

ከዚህ ምፅአት የሚተርፉት የኦምሸነሪኪው አማኞች ብቻ እንደሚሆኑም ሰበከ፡፡ 
በዚህ ኃሳብ ላይ የተንጠላጠለው የኦምሽነሪኪው ስብሰብ ከ32 ዓመታት በፊት በባለ አንድ ክፍሉ የሾኮ አሳሃራ መኖሪያ አፓርትመንት ተመሠረተ፡፡

 

ከዚያ አራት ዓመት በኋላ እንደማንኛውም

እምነቱን መከተል የተሟላ ደስታ፣ ስኬትንና እንከን አልባ ጤንነትን ያጐናፅፋል በሚል ሰበካ ኦምሸነሪኪው በተለይም በወጣት ተማሪዎች ዘንድ ትኩረት ማግኘት ቻለ፡፡ 
ቡድኑ ከተመሠረተ ከጥቂት ዓመታት በኋላ በዕምነት ተቋም ሽፋን ይፈፅም የነበረውን ማወናበድ የተቃወመ የሕግ ባለሙያ በኦምሽኒሪኪው ላይ ክስ ለመመስረት ዛተ፡፡

ቡድኑ ገመናው እየተጋለጠ ኪሳራ ይገጥመው ጀመር፡፡ በዚህን ጊዜ ኦምሽነሪኪው በሕግ ባለሙያው ላይ አቄመበት፡፡ ክፉኛ ጥርስ ነከሰበት፡፡

የሕግ ባለሙያው በዚሁ ጉዳይ ከአንድ ቴሌቪዥን ጋር ቃለ ምልልስ አደረገ፡፡ 
ቡድኑ የሕግ ባለሙያው ቃለ ምልልስ ለሕዝብ እንዳይቀርብ አስፈራራ፡፡ 
በዚህ ብቻ አልተገደበም፡፡

የሕግ ባለሙያው፣ ባለቤቱና ልጁ ተሠወሩ፡፡

አስከሬናቸው የትም ተጥሎ ተገኘ፡፡ 
ጥርጣሬው በቡድኑ ላይ አረፈ፡፡

በቡድኑ ላይ የሰላ ትችት የሚሠነዝሩም የሚስጥራዊ ግድያ ሰለባ ይሁኑ ጀመር፡፡ 
ይሄ ጉዳይ አወዛጋቢነቱ ሳይሰክን በቶኪዮ የምድር ውስጥ ለውስጥ የመንገደኞች የባቡር መስመር ላይ ነርቭን የሚያጠቃው መርዛማው የሳሪን ጋዝ ተረጨ፡፡ 
በውጤቱም 13 ሰዎች ሞቱ፡፡

50ሰዎች ክፉኛ ተጐዱ፡፡

ከ1 ሺህ 300 ያህሉ የጊዜያዊ ውጤቱ ተጠቂ ሆኑ፡፡ 
የዚህኛውም ሆነ ቀደም ሲል በሳሪን ጋዝ የተፈፀመው ሌላ ጥቃት የኦምሽኒሪኪው ክፉ የእጅ ስራ መሆኑ ተረጋገጠ፡፡

የቡድኑ መስራችና መሪ ሸኮ አሳሃራ በዚህ ወንጀሉ ፍርድ ቤት ቀርበ፡፡ 
በስቅላት እንዲቀጣ ተፈረደበት፡፡ ቅጣቱም ተፈፀመበት፡፡ ግብረ አበሮቹም የእጅ የእጃቸው አገኙ፡፡

የኔነህ ከበደ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers