• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ታሪክን የኋሊት፣ታህሳስ 28፣2009

እማሆይ ቴሬሳ

ትውልደ አልባንያዊቱ እማሆይ ቴሬሳ በሩህሩሕነታቸውና በሰብዓዊነታቸው ዓለማችን ከምታውቃቸው የመልካምነት ተምሳሌቶች አንዷ ናቸው፡፡

እማሆይ ቴሬሳ የደግነትና የመልካምነታቸው ጫፍ ወደታየባት ሕንድ የገቡት የዛሬ 91 ዓመት በዛሬዋ እለት ነበር፡፡

እማሆይ ቴሬሳ በመጀመሪያ ሕንድ የገቡት በካቶሊክ ሚሲዮን መምህርነት ነበር፡፡

በሂማላያ ተራራ አቅራቢያ በሚገኝ መንደር ማስተማራቸውን ተያያዙት፡፡

በማስተማር ተግባር ተሰማርተው ወዲህ ወዲያ ሲሉ በሕንድ በተለይም በካልካታ ያስተዋሉት ይህ ከዚህ ያልተባለ ፍፁማዊ ድህነት ያስጨንቃቸው ጀመር፡፡

አይተው እንዳላዩ ማለፉ አላስቻላቸውም፡፡

የተራቡትን ለማብላት፣ የታረዙትን ለማልበስ፤ የትም ለወደቁት መጠጊያ፣ለታመሙት ጤና መሻት አለብኝ ብለው ቢያስቡም፤ በእጃቸው ሰባራ ሳንቲም አልነበራቸውም፡፡

እማሆይ ለተራቡት ጉርስ፣ ለታረዙት ልብስ ይሆን ዘንድ ከቦርሳቸው ቤሳ ቤስቲን ባይኖርም ቤት ከቤት፤ ከስፍራ ስፍራ ተዘዋውረው በምንዱባኑ ስም ይለምኑ ገቡ፡፡

 

በካልካታ የምንዱባን መጠለያ ቤታቸውን ስራ ያስጀመሩት በዚህ ያለመታከት በልመና በሰበሰቡት ገንዘብ የመጀመሪያ ጥሪትነት ነው፡፡

ይህም ኋላ ላይ በዓለማችን ሚሸነሪስ ኦፍ ቻሪቲ ለተሰኘው ድርጅታቸው ጥንስስ ሆነ፡፡

እማሆይ ቴሬሳ ዘር፣ ቀለም፣ ኃይማኖትና ሌሎች መለያዎች መሠረት ሳይደርጉ የተራቡትን አጉርሰዋል፡፡ የታረዙትን አልብሰዋል፡፡ የታመሙትን አስታመዋል፡፡ ተስፋ ላጡት ተስፋ፣ መጠጊያ ለሌላቸው መጠጊያ ሆነዋል፡፡

በየጐዳናው በየመንገዱ የሚሞቱትን ለሰብዓዊ ፍጡር የሚገባ ክብር ላለልተለየው ቀብር አብቅተዋል፡፡

በዚህም የሩህሩህነታቸው ጫፍ ድንበር የለሽ መሆኑ የተመሠከረላቸው እናት ናቸው፡፡

ይሄ ደግነት፣ የዋሕነትና ሰብዓዊ ልግስና ዓለም አቀፋዊ ክብራቸውን አግዝፎታል፡፡

በርካታ አገሮችና ዓለም አቀፋዊ ድርጅቶች ሸልመዋቸዋል፡፡ እውቅናቸውም ከአድማስ አድማስ የናኘ ነው፡፡ የሰላም የኖቤል ተሸላሚም ናቸው፡፡

እማሆይ ቴሬሳ ከዚህ ዓለም በሞት ቢለዩም በሕንድና በዓለም ዙሪያ ያከናወኑት ወደር የለሽ የርሕራሄና የደግነት ጫፍ የሆነ  ስራቸው ከመቃብር በላይ የዋለ የሰብዓዊነት ተምሳሌት ሆኖ ይጠቀሳል፡፡ በሮማ ካቶሊካዊት ቤተ ክርስቲያንም ለቅድስትነት በቅተዋል፡፡

የኔነህ ከበደ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Leza Vote Banner
Sheger 102.1 AudioNow Numbers