×

Message

[Bitly service] Message: RATE_LIMIT_EXCEEDED

  • Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ታሪክን የኋሊት፣ታህሳስ 24፣2009

የነዳጅ ላኪዎቹ ሐገራት ብቀላ

ከ42 ዓመት በፊት አረቦችና እስራኤል ታላቅ ጦርነት አካሄዱ፡፡

አረቦቹ በጦርነቱ ጥሩ ጅማሬ ቢያሳዩም ፍፃሜያቸው በተቃራኒው ሆነ፡፡ በእስራኤል ተሸነፉ፡፡

አረቦች በጦርነቱ እስራኤልን በጦር መሳሪያና በሌላውም ድርጅቷ ደግፋታለች በተባለችው አሜሪካና አጋሮቿ ላይ አቄሙ፡፡

እኛም በእጃችን ባለው ብለው በነዳጅ አቅርቦት ሊበቀሏቸው ተነሱ፡፡ ነዳጃቸውን የብቀላ መሳሪያ አደረጉት፡፡

የነዳጅ ዘይት ምርት መጠንን መቀነስና የዋጋ ጭማሪ የነዳጅ አምራችና ላኪዎቹ የበቀል እርምጃ ስልት ሆነ፡፡

የነዳጅ ምርት መጠኑ ከመቀነሱም በተጨማሪ በመጀመሪያ ዋጋውን በ70 በመቶ ጨመሩ፡፡

በዚህ ብቻ አላበቃም በዘመኑ በበርሜል 3 ዶላር የነበረው የድፍድፍ የነዳጅ ዘይት ዋጋ በአራት እጥፍ ጨምሮ 12 ዶላር ገባ፡፡

ይሄኔ የዓለም ምጣኔ ሐብት ከ1930ዎቹ ታላቁ የኢኮኖሚ ምስቅልቅል በኋላ ታይቶ ለማይታወቅ ቀውስ ተጋለጠ፡፡

በዘመኑ በነዳጅ ዘይት አምራችና ላኪ አገሮቹ የበረታ አድማ የአሜሪካንን፣ የአውሮፓ የኢኮኖሚ ማህበረሰብንና የጃፓንን ምጣኔ ሐብት ክፉኛ አንገዳግደው፡፡

ብዙዎችንም የወጭው ጫናና ተፅዕኖው ወገቤን አሠኛቸው፡፡

የዚያን ጊዜው የአሜሪካው ፕሬዝዳንት ሪቻርድ ኒክሰን የነዳጅ ነገር ለአገራቸው አስጨናቂ ቢሆንባቸው እንደ ጊዜው እንሁን፤ ኑሮ በዘዴ አሉ፡፡

 

የነዳጅ ፍጆታን ለመቀነስ የተሽከርካሪዎችን የፍጥነት ወሰን ለመገደብ የታለመውን ሕግ በፊርማቸው ያፀደቁት የዛሬ 42 ዓመት በዛሬዋ እለት ነበር፡፡

በዚህ የፍጥነት ወሰን ሕግ በአሜሪካ ጐዳናዎች በሰዓት ከ80 ኪሎ ሜትር በላይ ማሸከርከር ተከለከለ፡፡

ይሄንንና ሌሎች ነዳጅ ነክ ጉዳዮችን የሚከታተል መስሪያ ቤትም ተቋቋመ፡፡

አሜሪካ በየመስኩ ወገቧን ጠበቅ አድርጋ ነዳጅ ቁጠባውን ተያያዘችው፡፡ ነዳጅ ቆጣቢ ጃፓን ስሪት አውቶሞቢሎች የአሜሪካን መንገዶችን ጐዳናዎች አጨናነቁት፡፡

በአገሪቱ በተሽከርካሪዎች ሰሌዳ ሙሉና ጐዶሎ ቁጥር ተለይቶ ነዳጅን በራሽን እስከማከፋፈል ተደርሶ ነበር፡፡

የፕሬዝዳንት ሪቻርድ ኒክሰን አስተዳደር እዬዬም ሲዳላ ነው በሚል አይነት የጀመረው የፍጥነት ወሰን ገደብ ከነዳጅ እቀባው ችግር መወገድ በኋላም ለ13 ዓመታት ገደማ ስራ ላይ ውሎ ቆይቷል፡፡

በነዳጅ አምራችና ላኪዎቹ እቀባና የዋጋ ጭማሪ የመጀመሪያ ዓመታት የገና ዛፍ መብራቶችን በአምፑል ማሸብረቅ የቅንጦት ያህል ተቆጠረ፡፡

እንግሊዝ በክረምቱ በአንድ ቤት ከአንድ ክፍል በላይ በኤሌክትሪክ ማሞቅን ከለከለች፡፡

በዛው በእንግሊዝ፣ በጀርመን፣ በጣሊያን፣ በስዊዘርላንድና በኖርዌይ እሁድን የአውሮፕላን ጉዞ፣ መኪና መንዳትና የጀልባ ሽርሽር ተከልክለው ነበር፡፡

የዋጋው ጉዳይ እንደነበረ ሆኖ ዋናው የነዳጅ አቅርቦት ችግር መቃለል የጀመረው ከአድማው ከበርካታ ወራት በኋላ እንደነበረ ታሪክ ያስረዳል፡፡

የኔነህ ከበደ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn