• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ታሪክን የኋሊት፣ታህሳስ 10፣2009

የሆልት ነገር

ሃሮልድ ኤድዋርድ ሆልት 17ኛው የአውስትራሊያ ጠቅላይ ሚኒስትር ነበሩ፡፡

ሆልት በቼቪዮት የባሕር ዳርቻ በመዋኘት ላይ በነበሩበት ወቅት ሰምጠው እስከወዲያኛው ተሰወሩ፡፡ ከ3 ተከታታይ ቀናት ፍለጋ በኋላ በቃ ሆልት መሞታቸውን መቀበል አለብን የተባለው የዛሬ 49 ዓመት በዛሬዋ ዕለት ነበር፡፡

ሃሮልድ ኤድዋርድ ሆልት በወጣትነታቸው ወቅት ከ80 ዓመታት በፊት በሕግ በመጀመሪያ ዲግሪ ተመረቁ፡፡

ዘመኑ የታላቁ ዓለም አቀፍ የምጣኔ-ሐብት ምሥቅልቅል /ዘ-ግሬት ዴፕሬሽን/ ወቅት ስለነበር በተመረቁበት መሥክ ሥራ ማግኘት አልቻሉም፡፡

በዚህ ሁኔታ አስገዳጅነት በአንድ ቡና ቤት በሻይና በቡና አፍይነት ለመቀጠር ተገደዋል፡፡ የመጀመሪያ ዲግሪያቸውን ካገኙ በኋላ ብዙም ሳይዘገዩ ዩናይትድ አውስትራሊያ የተሰኘውን የፖለቲካ ማኅበር ተቀላቀሉ፡፡

የፖለቲካ ማኅበራቸው ኋላ የሌብራል የፖለቲካ ፓርቲ ተሰኝቷል፡፡ ሆልት የፖለቲካ ማኅበሩን በተቀላቀሉ በጥቂት ዓመታት ውስጥ በሹመት ላይ ሹመት ይነባበርላቸው ያዘ፡፡

በርካታ የሚኒስቴር መሥሪያ ቤቶችን በበላይነት መርተዋል፡፡

በመጨረሻም የአውሥትራሊያ የሥልጣን ጣራ ወደሆነው ጠቅላይ ሚኒስትርነትም ደርሰዋል፡፡

 

የአገሪቱን ማዕከላዊ ባንክ በማቋቋምና በሌሎችም ታላላቅ መንግሥታዊ ተግባራት ይታወሳሉ፡፡

የዛሬ 49 ዓመት ሞታቸውን በይፋ ብንቀበለው ይሻላል ከመባሉ 2 ቀናት አስቀድሞ የነበረችዋ ዕለት ለሃሮልድ ሆልት መልካም አልነበረችም፡፡

በዕለቱ ቺቪዮት በተሰኘው የባሕር ዳርቻ ሥፍራ ሲዋኙ ከዓይን ተሰወሩ፡፡ ሳይሰምጡ አልቀረም ይባላል፡፡

ከዚያን ጊዜ አንስቶ በዚያ ናቸው በዚህ ናቸው የሚል አልተገኘም፡፡

አሁንም ድረስ ሃሮልድ ሆልት ስለተሰወሩበት ሁኔታ የተለያዩ መላምቶች ይሰነዘራሉ፡፡

የቀድሞው የአውስትራሊያ ጠቅላይ ሚኒስትር የራሳቸን ሕይወት በገዛ እጃቸው አጥፍተዋል የሚለው ነገር ከመላምቶቹ አንዱ ነው፡፡

ያም ሆኖ አሁንም ድረስ ሃሮልድን ማን ገደላቸው የሚለው የሴራ ትንታኔ ያልተዘጋና ያልተቋጨ አጀንዳ ነው፡፡

የኔነህ ከበደ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers