• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ታሪክን የኋሊት፣ታህሳስ 5፣2009

የባንግላዲሽ ነገር

የዛሬ 45 ዓመት የዛሬዋ ዕለት ባንግላዴሽ የተሰኘችዋን አገር ነፃነት በማረጋገጥ ረገድ ልዩ ቀን ተደርጋ ትቆጠራለች፡፡

ባንግላዴሽ በጊዜው ከጥቂት ወራት በፊት ያወጀችውን ነፃነት ለማስቀልበስ ወደ አገሪቱ የዘመቱት 90 ሺህ የፓኪስታን ጦር ወታደሮች አጃቸውን የሰጡት የዛሬ 42 ዓመት በዛሬዋ ዕለት ነበር፡፡

በብሪታንያ ቅኝ አገዛዝ ሥር ያሣለፈችው ሕንድ ከ69 ዓመት በፊት ለነፃነት ስትበቃ ሕንድና ፓኪስታን በተባሉ ሁለት ነፃ አገሮች ተከፋፈለች፡፡

የአሁኒቱ ፓኪስታን በስተምዕራብ ሆና ዘመናዊቷ ባንግላዴሽ ደግሞ ምሥራቃዊ ማዶ ሆና በአንድ ፓኪስታን ሥር ቢጠቃለሉም በሁለንተናዊ ጉዳዮች ሥምምነት ራቃቸው፡፡

ምሥራቆቹ በምጣኔ-ሐብቱም በአስተዳዳራዊ ዕልቅናውም፣ በሹመት ድልድሉም በፖለቲካዊ ተሰሚነቱም ተበድለናል ተጨቁነናል ሲሉ ምሬት እሮሯቸውን ማሰማት ጀመሩ፡፡

ከ42 ዓመት በፊት ራሳችንን ከፓኪስታን ነጥለናል እሉ፡፡ ነፃ አገር መሆናቸውን አወጁ፤ አዲሲቱ አገራቸውንም ባንግላዴሽ ሲሉ ሰየሟት፡፡

ፓኪስታን ይሄ የማይሞከር ነው አለች፡፡

እጅግ ግዙፍ የሆነ ጦርና በመቶ ሺህዎች የሚቆጠሩ ወታደሮችን ወደ ባንግላዴሽ አዘመተች፡፡

 

አገሩን በጦር ቀጠቀጠችው፡፡ ከሞትና ከመቁሰል የተረፉ በሚሊዮኖች የሚቆጠሩ ቤንጋሎች በስደት ሕንድ ገቡ፡፡

ሕንድም በስደት ወደ አገሯ የገቡ ቤንጋሎችን በጦር እያሰለጠነች ወደ አገራቸው ማዝመቷን ተያያዘችው፡፡

ኒው ዴልሂ ከትጥቅና ሥልጣን በተጨማሪ የምጣኔ-ሐብት ድጋፍና የዲኘሎማሲ ምርኩዛቸውም ሆነች፡፡

በዚህ ብቻ ሳይወስን ሕንድ ጦርነቱ ሊያበቃ ከ2 ሣንምት ያነሰ ጊዜ ሲቀረው ለቤንጋሎቹ ተደርባ ወደ ውጊያው ገባች፡፡

የሕንድ ጦር የባንግላዴሾቹን አርበኞች ለማገዝ መሰለፏ የሐይል ሚዛኑን ከመሠረቱ ለወጠው፡፡

የፓኪስታን ጦር ጀምበር ጠለቀችበት፡፡ ሽንፈት በሽንፈት ላይ ተደራረበበት፡፡

የዛሬ 45 ዓመት በዛሬዋ ዕለት እንዳለ ተከበበ፡፡

ተዋግቶ ከማለቅ እንዳለ እጅ ለመስጠት ተገደደ፡፡ ዘጠና ሺህ ወታደሮቹ ተማረኩ፡፡

ከሁለተኛው የዓለም ጦርነት በኋላም እጅ በመስጠት የፓኪስታን ጦር ባንግላዴሽ ውስጥ የገጠመው ምርኮ ታላቁ ነው ይባላል፡፡

አጋጣሚው የባንግላዴሽን ነፃ አገርነት ይበልጥ ለማረጋገጥ ታላቅ ድርሻ አበረከተ፡፡

በቀጣዩ ዓመት በሕንድና በፓኪስታን መካከል በተፈረመ ስምምነት ፓኪስታን ለዚያን ጊዜዋ አዲስ አገር ባንግላዴሽ ነፃነት እውቅና ሰጠች፡፡

ሕንድና ፓኪስታን አሁንም ድረስ በካሽሚር ግዛትና በሌሎችም ምክንያቶች ከፍ ሲል እየተቆራቆሱ ሰላም ነው ሲባልም እየተጐነታተሉና እየተወዛገቡ ዘላቂ መፍትሄ ባጣ ፍጥጫ ውስጥ ናቸው፡፡

የኔነህ ከበደ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers