• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ታሪክን የኋሊት፣ኀዳር 30፣2009

ሶቭየቶች የአቶሚክ ቦምብ ባለቤት እንዴት እንደሆኑ

አሜሪካና የቀድሞዋ ሶቪየት ኅብረት እርስ በርስ መሰላለላቸው ከፍተኛ ነበር፡፡

ኒኩሊየራዊውን የአቶሚክ ቦምብ በመሥራት አሜሪካ ቅድምናውን ትወስዳለች፡፡

የቀድሞዋ ሶቪየት ኅብረትም አሜሪካን እግር በእግር በመከተል የቦምቡ ባለቤት ለመሆን ብዙ አላረፈደችም፡፡

አሜሪካን የአቶሚክ ቦምብ ባለቤት ስላደረጋት የማንሐተኑ ፕሮጄክት ለሶቪየት ኅብረት ሚስጥር ሲያሾልክ የነበረውን ግለሰብ ረድቷል የተባለው ሐሪ ጐልድ በ30 ዓመታት እሥራት እንዲቀጣ የተፈረደበት የዛሬ 65 ዓመት በዛሬዋ ዕለት ነበር፡፡

አሜሪካ ወደ ዓለማችን ወታደራዊ ኃያልነቱ ስታማትር የአቶሚክ ቦንብ ባለቤትነቱ ታያት፡፡

በ2ኛው የዓለም ጦርነት ሂደት ምርምሩና የቦንቦቹ ሥራ ተጣደፈ፡፡ ተቀለጣጠፈ፡፡

ወደ ጦርነቱ ማብቂያ አሜሪካ የአቶሚክ ቦምብ ብቸኛ ባለቤትነቷን አረጋገጠች፡፡

ጦርነቱ ሊጠናቀቅ እንደተቃረበ “ብላቴናውና” “ወፍራሙ ሰው” የተሰኙ ቦንቦችን በጃፓኖቹ ሂሮሺማና ናጋሳኪ ከተሞች ላይ በመጣል ከፍተኛ እልቂትና ውድመት አደረሰች፡፡

ለካ ይሄ ከመሆኑ በፊት የአቶሚክ ቦንቦች አጥፊነትም ሆነ እንዴት እንደሚሰሩ ለቀድሞዋ ሶቪየት ኅብረት ሚስጥር አልነበሩም፡፡

እድሜ ለሰላዮቼ ብላ ስለ ማንሐተኑ የአቶሚክ ቦምብ ከጅምሩ እስከ ፍፃሜው ሚስጥሩን አብጠርጥራ አውቃዋለች፡፡ ሶቪየት ኅብረት የማንሐተኑን ውጥን እንዲሰልሉላት በአሜሪካ ካሰማራቻቸው እሳት የላሱ ከተፎ ሰላዮች መካከል ጃኮቭ ጐሎስ አንዱ ነበር፡፡

በኬሚስትሪ የላቦራቶሪ ባለሙያነት ሲያገለግል የነበረው ሐሪ ጐልድ ሰላይ ባይሆንም ስለ ማንሐተኑ ውጥን የሚያውቀውን ያየና የሰማውን ሁሉ ሚስጥር በቅድሚያ ለጐሎስ ከዚያም እርሱን ለተካው ሲሚዮን ሲሚዮኖቭ ዘረገፈላቸው፡፡

ሶቪየት ኅብረት በስለላ መረጃዎቹ ተረድታ የራሷንም ጥረት ጨምራበት በኒኩሊየር የጦር መሣሪያ የአሜሪካ ተፎካካሪ ለመሆን ከ5 ዓመታት የበለጠ አልጠየቃትም፡፡

ከዚያ 5 ዓመታት በኋላ ክላውስ ፌችስ የተባለ ሰላይ እንግሊዝ ውስጥ መያዙ በማንሐተኑ የስለላ ቀለበት ውስጥ የነበሩ አነፍናፊዎችም ጉድ ፈላባቸው፡፡

አንድ በአንድ እየተለቀሙ ተያዙ፡፡ የማንሐተኑ ውጥን የኬሚስትሪ የላቦራቶሪ ባለሙያ ሐሪ ጐልድ ሰላይ ባይሆንም ሚስጥሩን ለሶቪየት አነፍናፊዎች በማስታቀፉ የ30 ዓመት የእስር ቅጣት ውሣኔ የተላለፈበት የዛሬ 65 ዓመት በዛሬዋ ዕለት ነው፡፡ የጐልድ መያዝም ሌሎች የሶቪየት ሰላዮች እንዲያዙ መንገድ መጥረጉን በተለያዩ ድርሳናት ተፅፎ ይገኛል፡፡

የኔነህ ከበደ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers