• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ታሪክን የኋሊት፣ኀዳር 29፣2009

የእስራኤልና ፍልስጤም ነገር

ከ69 ዓመታት በፊት የፍልስጤም ምድር በእሥራኤላዊያንና በፍልስጤም አረቦች ይዞታነት ከተከፋፈለ አንስቶ አካባቢው ግጭትና ውጥረት ተለይቶት አያውቅም፡፡

ከዚያን ጊዜ አነስቶ ታላላቅ ጦርነቶች አስተናግዷል፡፡

ከጦርነቶቹም መካከል ከ49 ዓመታት በፊት የተካሄደውና በታሪክ የስድስቱ ቀን ጦርነት የተሰኘው ውጊያ አንዱ ነው፡፡

በጦርነቱ እሥራኤል አስደናቂ የተባሉ ድሎችን ተቀደጅታለች፡፡

በጊዘው በፍልስጤማውያን ይዞታነት የተከለሉትን ምስራቅ እየሩሳሌምን፣ የጋዝ ሰርጥንና ዌስት ባንክን ለመያዝ በቅታለች፡፡

ከሶሪያም የጐላን ኮረብታን ነጥቃለች፡፡ ከዚያ ወዲህ ፍልስጤማውየን እሥራኤልን በተደራጀና ባልተደራጀ ሁኔታ ሲፋለሟት፣ ሲተናነቋትና ሲገዳደሯት ቆይተዋል፡፡

ከትግል መንገዶቻቸው አንዱ የሆነውን የሲቪል እምቢታና አመፅን ያጣመረውንና የመጀመሪያውን ኢንቲፋዳ የተሰኘ ትግላቸውን የቀሰቀሱት የዛሬ 29 ዓመት በዛሬዋ ዕለት ነበር፡፡

ፍልስጤማውያን በተለያዩ የአስተዳደር ዘርፎች ለእሥራኤል ግብር አንከፍልም አሉ፡፡

እዚህም እዚያም በሥፋት ሥራ ማቆምን ተያያዙት፡፡ የእሥራኤልን ምርቶችና ሸቀጦችን ላለመግዛትም አደሙ፡፡ እነዚህ የኢንቲፋዳው ሰላማዊ ጐኖች ናቸው፡፡

 

የእሥራኤል የፀጥታ ኃይሎችን ትዕዛዞች አለመፈፀም፣ መተናኮል፣ ድንጋይና የሞሎቶቭ ኮክቴል የተሰኘውን ጓዳ ሰራሽ ፈንጂ መወርወር ጠንከር ሲልም በሲቪል እስራኤላውያን ላይ አደጋ መጣልና ጥቃት ማድረስ የኢንቲፋዳው አካሎች ነበሩ፡፡

ፍልስጤማውያን  ኢንቲፋዳውን የእሥራኤል ሚስጥራዊ ሰላዮችና አሾክሻኪዎች ናቸው የተባሉትን ፍልስጤማውያን ለመቅጣት ጭምር አውለውታል፡፡

እሥኤልም “አከርካሪ መስበር” ብላ በጠራችው እርምጃዋ ወታደሮቿና የፀጥታ ኃይሎቿ በፍልስጤማውያን ላይ ጨከኑ፡፡

በጥይት ማጋደሙ፣ በቆመጥ ማንቆራጠጡ፣ በአስለቃሽ ጋዝ ማጨናበሱን አባባሱት፡፡

የጦር አውሮኘላኖቿም በተመረጡ የፍልስጤማውያን ተቋማት ላይ ድብድባቸውን አከፉት፡፡

ከ3 ዓመታት በኋላ ኢንቲፋዳው ጋብ ያለው ወደ ኦስሎ ስምምነት መዳረሻ የሆነው የማድሪዱ የመካከለኛው ምሥራቅ የሰላም ንግግር በተቃረበበት ወቅት ነበር፡፡

የመጀመሪያው ኢንቲፋዳ ሂሳብ ሲወራረድ የቆስሉና የተጐዱትን ሳይጨምር ፍልስጤማውያን 160 እሥራኤላዊያን ሲቪሎችንና የፀጥታ ባልደረቦችን ገደሉ፡፡

የእሥራኤል የፀጥታ ኃይሎች በበኩላቸው ከ 1 ሺህ 80 በላይ ፍልስጤማውያን ጨረሱ፡፡

ከዚህ በኋላ የመጣው 2ኛ ኢንቲፋዳ በሁለቱም ወገኖች የበለጠ እልቂትና ጉዳት አስከተለ፡፡

ከመጀመሪያው ኢንቲፋዳ በኋላ ተስፋ ተጥሎበት የነበረው የኦስሎው ስምምነት አፈር ድሜ ጋጠ፤ ከሸፈ፡፡

ኢንቲፋዳ ፍልስጤማውያን የተመኙትን የነፃ አገርነት ክብር አላቀዳጃቸውም፡፡ የሰላም ድርድሮች ሰላሙን አላመጡትም፡፡

እሥራኤልና ፍልስጤማውያን ግን እስከ መቼ በሚያሰኝ ሁኔታ በቋሚ ፍጥጫ፣ በሁል ጊዜ ውጥረት ውስጥ ናቸው፡፡

የኔነህ ከበደ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers