• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር | ወግ

እስኪጣራስ ቢሆን ማን ይንገላታል

በአንድ ወቅት አንድ ጓደኛዬ ያጫወተኝ ነው፡፡ ነገሩ የጥንት ተረትም ይመስላል፡፡ በከተማው ያሉ ስጋ በሊታ እንስሳት በሙሉ ተይዘው ይታሠሩ ተባለ፡፡ ይህንን የሰሙ ስጋ በል እንስሳትም ሳንቀደም በሚል ወደሌላ ቦታ ስደት ጀመሩ፡፡ ከነዚህ በፍጥነት ለማምለጥ ከሚሮጡ ስጋ በል እንስሳት መሀል ጥንቸልም እግሬ አወጪኝ እያለች ስትሮጥ ጓደኞቿ ተመለክቷት
እናም ጥንቸል ሆይ አንቺ ስጋ በል አይደለሽ አያስሩሽ ለምን ትሮጫለሽ አሉአት፡፡ ጥንቸልም ‹‹እስኪጣራስ ቢሆን ማን ይንገላታል›› ብላ መለሠች፤ ብሎ ነበር ያጫወተኝ፡፡
በዚህ ዘመን ብዙውን ህይወታችንን ስናየው እስኪጣራስ ቢሆን ማን ይንገላታል የምንል የበዛን መስሎ ይሠማኛል፡፡
ሰው በህግና በሌላም ማስፈራሪያ ርህራሄውን፣ እውነቱን፣ ያየውና የሚያውቀውን ከምንም በላይ ሰብአዊነቱን በዚህ ህግ፣ መመሪያ፣ መተዳደሪያ ባወጣው ማስፈራሪያ ‹‹እስኪጣራስ ቢሆን ማን ይንገላታል›› በሚል እንዲሸሽ አይቶ እንዳላየ እንዲሆን እያደረጉት ነው፡፡
በቅርቡ አዲስ አበባ ላይ አንድ የደረሠ የመኪና አደጋን አይተን በዛ ወቅት ያስተዋልነውንና ጥያቄ የሚያስንሳ የመሠለንን ሀሳብ አንስተን በወሬ ጊዜያችን ነግረናችሁ ነበር፡፡ ተገጪው ከመሬት ላይ ተንጋሎ ወድቋል፡፡ ሩሁን ስቷል እናም አፋጣኝ ህክምና ያስፈልገዋል፡፡ በዙሪያው የከበቡት ሠዎችም ይህንኑ ጠንቅቀው ያውቃሉ፡፡ ፡ ግን ደፍሮ ተጐጂውን ወደ ህክምና ለመወሠድ የደፈረ አልነበረም፡፡ እረ ሊሞት ነው ወደ ሀኪም ቤት ይወሠድ ይላሉ ሀላፊነቱን ለመወሠድ ግን የደፈረ የለም፡፡ ዙሪያውን ከበው በሆነው ነገር እያዘኑ ከንፈር በመምጠጥ የሀሻን የመጀመሪያ ደረጃ እርዳታ ከመስጠት ወጪ ያደረጉት ነገር የለም፡፡ ለምን ቢባል ምክንያቱ ግልፅ ነው፡፡ ይህ ሰው እጄ ላይ አንድ ነገር ቢሆንስ አስሸከርካሪውም እኔ መኪና ውስጥ እንዳለ ህይወቱ ቢያልፍስ መንገላታቴ አይቀር ህጉ ሊረዳ (ልትረዳ) ስትል ሀለፈ አይለኝ፡፡
በሚሉ ህግና መመሪያዎች ባመጡት ስጋትና ፍራቻ ሁሉም ወደ ኋላ ይላል፡፡

ተጨማሪ ያንብቡ: እስኪጣራስ ቢሆን ማን ይንገላታል

አስተያየት ይፃፉ (7 አስተያየት)

በጀት መዝጊያ መጣ ስልጠና ደግሱ

"በጀት መዝጊያ መጣ ስልጠና ደግሱ"

ጠያቂው የምክር ቤት ቋሚ ኮሚቴ ነው፡፡ ሪፖርት እሚያቀርበው ደግሞ አንዱ የመንግስት መ/ቤት ነው፡፡

ተጠያቂው መ/ቤት የሚጠያቃቸው ጥያቄዎችን የያዘ ወረቀት እጄ ላይ አለ፡፡

ጥያቄዎቹን እያየሁ ወረቀቱን ገለጥ ገለጥ ሳደርግ የመጨረሻው ጥያቄ እንዲህ ይላል (ቃል በቃል ነው)

እንደሚታወቀው መ/ቤቱ በ11 ወር የተጠቀመው ከተፈቀደለት በጀት 70 በመቶውን ብቻ ነው፡፡ በቀረው ግዜ በጀቱን እንዴት ሊጠቀምበት እንዳሰበ በእቅድ የተያዘ ነገር ካለ ቢገለፅ ለምሳሌ. . . ስልጠናዎችን ማዘጋጀት የቢሮ እቃዎችን መግዛት ሌላም ሌላም . . .
በጀት መመለስ ሃጥያት ሆነ እንዴ?
እንዴት ሳትጠቀም ቀረህ? አንድ ጥያቄ ነው::
ስራው ካልተሰራ መውቀስ. . . ስራው ወጪ ቆጣቢ ሆኖ ተሰርቶም ከሆነ ገንዘብ ያስተረፈውን መ/ቤት ማወደስ ሲገባ በስልጠና ልታንጣጣው አለሰብክም እንዴ? ማለት እንዴት ያለ ነገር ነው?
2007 አልቀበልም ይላል እነዴ?

ተጨማሪ ያንብቡ: በጀት መዝጊያ መጣ ስልጠና ደግሱ

አስተያየት ይፃፉ (2 Comments)

እንተላለፍ

እንተላለፍ
ሚኒባስ ታክሲ ውስጥ ነኝ ከፒያሳ ወደ አዲሱ ገበያ እየሄደኩኝ፡፤ ታክሲው በአዲሱ ገበያ አድርጐ መድረሻው አስኮ ነው፡፡ ረዳቱ ደምስሩ እስኪግተረተር ይጠራል፡፡በአዲሱ ገበያ በቀለበት አስኮ እያለ፡፡ ሹፌሩም አንገቱን ወጣ አድርጐ ከጐኑ መጥተው ከሚቆሙ ሌሎች ታክሲዎች ውስጥ በቀለበት አስኮ አዲሱ ገበያም ይቻላል እያለ ይጠራል አንድ ሰው ሲገባለት ‹‹ እ የታለህ እኔ ወርጄ ልጥራ እንዴ›› ብሎ በረዳቱ ላይ ይጮሀል በመጨረሻ ሞላና ጉዞ ተጀመረ፡፡ ታክሲው መሙላቱን ያላወቀው ሹፌር እያሽከረከረ አንገቱን ወጣ አድርጐ በቀለበት አስኮ ይላል ረዳቱ ‹‹ፍሬንድ ሞላኮ ለማን ነው የምትጠረው›› አለው፡፡ አትናገርም አለ ሹፌር አንተ በስፖኪዬ አታይም ረዳት መለሠ፡፡ በእንዲህ መልኩ የጀመረው አለማግባባት ወደለየለት ፀብ ተቀየረ፡፡ 
ሹፌር አንድ ይላል ረዳት ሌላ ይመልሳል፡፡ ብቻ በደቂቃዎች ውስጥ በሚኒባሱ ውስጥ ያለው ተጓዥ ስለሁለቱም ኑሮ፣ ቤተሠብ፣ የገቢ ደረጃ ሁሉንም ሠማ፡፡ ከዛ በስንት ማባበል አስኮ ከደረሱ በኋላ ረዳት ገቢ አስረከክቦ ሊሊያዩ ተስማምተው እኛን ያሠብንበት አደረሱን፡፡
ሁለተኛ ታክሲ መያዝ ነበረብኝ ወደ ሌላኛው ታክሲ ገባው፡፡ ሞልቶ የተነሳው ታክሲ በየመሀሉ ሲጭን ሲያወርድ ወደ መጨረሻ ላይ ታክሲ ውስጥ ሶስት ሰዎች ብቻ ቀረን፡፡
ከፊት ለፊቴ ያሉትና በግምት እድሜያቸው ከ50 እስከ 55 የሚሆኑም እናት ወራጅ አሉ ታክሲው ፍጥነቱን ቀነሠ ወዲያው መልሠው ይቅርታ ትንሽ ፈቅ አድርገኝ አሉ፡፡ ሹፌሩ ፍጥነቱን ጨመረ በቃአሉ መውረድ የፈለጉት እናት፡፡ እሱ ግን አልበቃውም መውረድ ከሚፈልጉበት 15 ሜትር ያክል አርቆአቸው አቆመ፡፡

ተጨማሪ ያንብቡ: እንተላለፍ

አስተያየት ይፃፉ (2 Comments)

ቪዛ ከተመታላችሁ ጥገኝነት የምትጠይቁበት ሀገር ወዴት እንዳለ ልጠቁማችሁ

"ቪዛ ከተመታላችሁ ጥገኝነት የምትጠይቁበት ሀገር ወዴት እንዳለ ልጠቁማችሁ"

ኢትዮጵያ 11 በመቶ ማደጓን የምትጠራጠሩ . . .
ብር የመግዛት አቅሟ ተዳክሟል ብላችሁ በ100 ብራችን ላይ "የኛዋ ሁሴን ቦልት" ብላችሁ የቀለዳችሁ
በሃብታም እና ደሃ መሃል ያለው ልዩነት ተንቦረቀቀ ምናምን ያላችሁ

ወደኔ ኑ

የፕሌን ትኬት ሳትቆርጡ. . .
"እኔስ ሃገሬን. . ." መዝፈን ሳይጠበቅባችሁ
የኩበቱ ሽታ ሳይናፍቃችሁ. . .
አማርኛ ሳይጠፋችሁ . . . በ100 ብር ወር የምትኖሩበትን ሃገር ልጠቁማቹ

4 ኪሎ. . . ፓርላማ!

(ሰሞኑን ደግሞ ፓርላማ ፓርላማ ይለኛል ልመረጥ ነው መሰለኝ)

የፓርላማ ካፌን ደጅ መርገጥ እፈልግ ነበር፡፡ አልተመቸኝም፡፡ አመት ሙሉ ስመላለስበት ሻይ እንኳን መጠጣት ሳልችል ቆይቼ ቀኑ ደረሰ እና ባለፈው ገባሁ፡፡

ምን ላድርግ ስብሰባው ተንዛዛ፡፡ እኔ እርቦኛል ከጎኔ ያለው ጋዜጠኛ ወዳጄ "ሃኒ አሁንስ ሞረሞረኝ" ብሎ ወተወተኝ ሰዓቱም ወደ ሰባት እየቆጠረ ነው፡፡ ወተን ሄድን፡፡

የምግብ ሜኑው ካሸሯ መስታዋት ፊት ተለጥፋል፡፡

ተጨማሪ ያንብቡ: ቪዛ ከተመታላችሁ ጥገኝነት የምትጠይቁበት ሀገር ወዴት እንዳለ ልጠቁማችሁ

አስተያየት ይፃፉ (16 አስተያየት)

'ጦሲ ኤሬስ!' . . . (ፈጣሪ ያውቃል)

በፊት ሁለት የነበሩት የከፍተኛ ትምህርት ተቋሞች አሁን ወደ 33 ደርሷል፡፡ በየቀበሌው የ1ኛ ደረጃ ትምህርት ቤት ተከፍቷል፡፡ከመምህራን በተጨማሪ የፕላዝማ አጋዥ የማስተማሪያ ስልት ተፈጥሯል፡፡ የክፍል ተማሪ ጥምርታ በአብዛኛው 1 ለ 52 ሆኗል፡፡የፈረቃ ትምህርት በከፊልም ቢሆን ቀርቷል፡፡ ለትምህርት ረጅም ሰዓት ተሰጥቷል፡፡ በዲፕሎማ ሲያስተምሩ የነበሩ የ1ኛ ደረጃ ትምህርት ቤት መምህራን አብዛኛዎቹ ድግሪ ያላቸው እንዲሆኑ ተደርጓል …….. እና ሌሎችም ባለፉት 22 አመታት ገዢው ፓርቲ ኢህአዴግ ሰራሁ ብሎ ከሚናገራቸው እና ከተመሰገነባቸው ትምህርት ነክ ስራዎች ውስጥ የሚጠቀሱ ናቸው፡፡ ስለነዚህ መልካም ስራዎች ስናነሳ እነዚህ ትምህርት ቤቶችም ተቆጥረው ነው ወይ? ብሎ መጠየቅ ያስፈልጋል፡፡ ይህ የኔ የጉዞ ማስታወሻ ነው፡፡
ይህ ፎቶ በአንድ ገጠር ከተማ በተገኘሁበት ምሽት ላይ የተነሳ ነው፡፡ እንደምታዩት ብዙ ስልኮች ተሰብስበው ባትሪያቸውን እየሞሉ ነው፡፡
ይህች ገጠር መንደር ወይም ቀበሌ በጋሞ ጎፋ ዞን ውስጥ ትገኛለች፡፡ ዋጅፎ ትባላለች፡፡
ከወላይታ ወደ አርባምንጭ ሲሄዱ መሃል አከባቢ የመኪናዎ 4ት ጎማ ተቦርቡሮ የኮሮኮንች ንጣፍ የመሰለ አስፓልት መንገዷን ረግጦ ያልፋል፡፡
ይህች የገጠር መንደር እንደብዙዎቹ አቻ መንደሮቿ መብራት የላትም፡፡ የመብራት ማማ ግን በገበሬዎቹ በር  ያልፋል፡፡ ኔትወርክ የለም፡፡ ስልክ ግን በየገበሬው እጅ ገብቷል፡፡
ታዲያ ስልክ ቻርጅ የሚደረገው ጀኔሬቴር ለመግዛት አቅማቸው በፈቀደላቸው 3ት ገበሬዎች ቤት ነው፡፡ ለዚህም ለአንድ ግዜ 3ት ብር መክፈል ይገባዎታል፡፡
3ቱ ባለጄኔሬተሮች ስልክ ቻርጅ ማድረግ ብቻም ሳይሆን ቴሌቭዥን ገዝተው ሰው ለሰው ድራማ እሁድ መዝናኛን የእግር ኳስ ጫወታዎችን እያሳዩ የአከባቢውን ሰው ከውጭው ሕይወት ጋር ያቀራርባሉ፡፡
ምሽት ላይ በሱቆቻቸው በር በቤታቸውም መብራት ይበራል፡፡ በአከባቢው ያሉ ተማሪዎች ምሽት ላይ ከሱቆቹ ደጅ ቁጭ ብለው ያጠናሉ(እኔ በሄድኩበት ወቅት ትምህርት የተጀመረበት ባለመሆኑ ከመስማት ውጭ ለማየት ግን አልቻልኩም)፡፡
ከአከባቢው ሰው እንደሰማሁት እዚህ አከባቢ በቀደመው ግዜ እስከ 8ኛ ክፍል የሚያስተምር ትምህርት ቤት ነበር፡፡ የተመሰረተው በ1960ዎቹ ነው፡፡
ልጆች ወደ 9ኛ ክፍል ሲያልፉ ወደ አርባምንጭ ወይም ወላይታ ሄደው እንዲማሩ ነው የሚደረገው፡፡ ወላጅ የቤት ኪራይ የመክፈል ቀለብ የመቁረጥ ግዴታ ውስጥ ይገባል፡፡ ልጆቹን በቅርብ የመከታል እድሉን ያጣል፡፡
የመንደሯ ትምህርት ቤት አሁን እስከ 10ኛ ክፍል እንዲሆን ተደርጓል፡፡
ይህ ከወጪ አንፃር ለወላጆች እፎይታ ቢሆንም ልጆቹ ምን ይማራሉ? እንዴት ይማራሉ? ምንስ ይፈተናሉ? ከተቀረው ተማሪ ጋርስ እንዴት ይወዳደራሉ? ብሎ ለጠየቀ መልሱ ግራ የሚያጋባ ነው የሚሆነው፡፡
የአከባቢው ሰዎች እንኳ ልጆቻችሁ በዚህ ውስጥ ተምራው አልፈው የተሻለ ነገር የሚያገኙ ይመስላችኋል ወይ? ብትሏቸው 'ጦሲ ኤሬስ…ጎዳ ኤሬስ' ይሏችኋል፡፡ 'ፈጣሪ ያውቃል… እግዚያብሔር ያውቃል' እንደማለት ነው፡፡ ከትምህርት ስርዓቱ ይልቅ በፈጣሪያቸው ያላቸው ተስፋን ያሳያል፡፡
አሁንም ቢሆን በትምህት ቤቱ መከፈት እፎይ ያላለው ወላጅ ጥሪቱንም አሟጦም ቢሆን ወደ ከተማ እየላከ ነው ልጁን የሚያስተምረው፡፡ ባይሆን አዲስ የተከፈተው ትምህርት ቤት በቀደመው ግዜ በተለያየ ምክንያት ከ8ኛ ክፍል በላይ መግፋት ያለቻሉ በእድሜ የገፉ ሰዎችን እያስተናገደ ነው፡፡
እንዳልኳችሁ ይህ የገጠር ከተማ መብራት የለውም፡፡ በተለያየ አጋጣሚ ከተማ ወጣ ማለት ከቸሉ ሰዎች ውጭ የአከባቢው ሰው ከዘመናዊው የኤሌትሪክ ብርሃን ጋር የተዋወቀው በነዛ ጥቂት ባለጀነሬተሮች ነው፡፡ ከ9ኛ ክፍል ጀምሮ ለከተሜው ተማሪ መማሪያ ተደርጎ የተዘጋጀው ፕላዝማ ለአከባቢው ታዳጊዎች ትርጉም የማይሰጥ የቃላት ድርድር ነው፡፡
ብዙዎቹ የአከባቢው ታዳጊዎች አለም የደረሰበት የኮምፒውተር ቴክኖሎጂን ከስሙ ባለፈ ስለቅርፁም ሆነ ስለጥቅሙ የሚያውቅት ነገር የለም፡፡
እዚህ ፎቶ ላይ የምታዩት ታዳጊ ዘንድሮ 8ኛ ክፍል ሚንስትሪ ተፈታኝ ነው፡፡ ድንገት ይዜ የነበረው ላፕቶፕ ኮምፒውተርን ነው ለመጀመሪያ ግዜ ለመንካት ዕድል የገጠመው፡፡ በወቅቱ እሱ የነበረው ደስታ ከየት መጡ ያልተባሉ ታዳጊዎች ከበው ለመንካት ለማየት የነበራቸው ጉጉት በቃላት የሚገለፅ አይደለም፡፡( በርግጥ ኮምፒውተር ለከተሜው ተማሪም ቢሆን ዛሬም ድረስ ብርቅ ነው)
እንግዲህ አነዚህ ታዳጊዎች እንዲህ ባለው ጨለማ ውስጥ እየኖሩ ላይብረሪ በሌለው፣ ቤተ ሙከራ ምን እንደሆነ በማይታወቅበት (የመምህራኑ  ብቃትም ገና መጠናት ያለበት ነው ብለው ወላጆች ጥያቄ በሚያቀርቡበት) እንዲህ እና መሰል ችግር ውስጥ ነው የሚማሩት፡፡
በዚህ ውስጥ አልፈው ነው የተሻለ አቅርቦት ማግኘት ይችላሉ ከሚባሉት የአዲስ አበባ እና ሌሎች ከተሞች የመንግስት ትምህርት ቤቶች  ተማሪዎች ጋር እነሱ ለሚኖሩባት ገጠር መንደር የአመት በጀት የሚሆን ክፍያ እየተከፈለላቸው ከሚማሩ ቅምጥሎች ጋር ለሃገር አቀፍ ፈተና ተቀምጠው የሚወዳደሩት፡፡
በርግጥ በዚህ አስቸጋሪ መንገድ አልፈው፣ ተመችቷቸው ነው የተማሩት ከሚባሉት ቀድመው መገኘት የቻሉ ብዙ ብዙ አሉ፡፡ ግን በተሰጣቸው ብቁ የሚያደርግ ትምህርት ነው ወይስ በፈጣሪ ፀጋ ነው ለዚህ የደረሱት? መሆን የሚገባውስ እንዴት ነው?
በቂ መፅሐፍ ቢኖር ባይኖርም ፤ ወንበር ጠረጴዛ ጠፍቶ ልጆች በድንጋይ ላይ ተቀምጠው የሚማሩበት ጣሪያ እና ግድግዳ ብቻ ያላቸው ትምህርት ቤቶች በሽ በሽ ናቸው፡፡ በዚህ ጉዳይ ተደጋጋሚ ትችት የሚቀርብበት ኢሕአዴግ ደግሞ ደጋግሞ የነገረን ጥራት ቀስ ብላ ትመጣለች ታገሱ የሚል ነው፡፡ ግን እስከ መች?
ኢሕአዴግ ከገባ የተወለዱ እኮ አግብተው ወለዱ፡፡ ትመጣለች የተባለችው ጥራት ሳትመጣ የነሱ ልጆችም ትምርት ቤት ይሂዱ?
                   በድጋሚ ጥራት ወዴት አለሽ?
የስልክ እና የኔትወርክ ጉዳዮችን ደግሞ በጥቂቱ እንዳስስ…
በዚች ገጠር መንደር ኔትወርክ በችርቻሮ እንጂ በጅምላ የለም፡፡
በዚህ አከባቢ የሚኖር ሰዎች አንዱን ቀን ከእንቅልፍ ሲነቁ በስልካቸው ላይ የኔትወርክ መኖር ምልክት አዩ፡፡ ኔትወርክ የተገኘበት አከባቢ ወይም እርሻ አባወራ ነዳጅ ግቢው የተገኘ ያህል በኩራት ነው የሚያወራው፡፡
ቀን ቀን በነዚህ ኔትወርክ አደባባዮች ወጣቶች እናት እና አባቶች ኔትወርኩን ፈልገው ስልካቸውን ጨብጠው እጃቸውን ወደላይ ሲያወራጩ የተቃውም ሰልፉ በዚህች ገጠር ከተማም የቀጠለ ሊመስሎት ይችላል፡፡
ህይወት ግን ይቀጥላል. . . ጥሩ ቀን እስኪመጣ!
ሰላም ሁኑ
አስተያየት ይፃፉ (19 አስተያየት)