• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር | ወግ

ሸገር ልዩ ወሬ፣ከኢትዮጵያውያን ወላጆች የተወለዱት ቆዳና ፀጉራቸው ነጭ የሆኑት ሕፃናት ፈታኝ ሕይወት

‘ፈረንጆቹ ሕፃናት’ ኡስማን፣ ሐሊማ፣ ፋጡማ እና እድሪስ ከሰው ተገልለዋል፤ ከሌሎች ሕፃናት ጋርም አይጫወቱም፡፡ ዓይናቸው የፀሐዩን ብርሃን መቋቋም ስለማይችልም ወደ ውጭ መውጣት ወደ ትምህርት ቤትም መሄድም አይችሉም…አቶ ዘይኑ ጂላንና ወ/ሮ ዘይነባ አባመጫ የወለዷቸው አራቱ ሕፃናት ቆዳና ጸጉራቸው ነጭ የመሆኑ ጉዳይ ለዓመታት እንቅልፍ የነሳቸው ጉዳይ ነው - ለሕፃናቱም ትልቅ ፈተና ነው ጉዳዩ፡፡ቤተሰቡ የሚኖረው በጅማ ዞን፣ ጦላይ ወረዳ ልዩ ስሙ ቦተራ አደሬ በተባለ አካባቢ ሲሆን ከጦላይ ማሰልጠኛ 15 ኪሎሜትሮች ርቀት ላይ ይገኛል፡፡

የሸገር ልዩ ወሬ አዘጋጁ ወንድሙ ሀይሉ ያነጋገራቸው አቶ ዘይኑ ጂላን ባለቤታቸው የልጃገረድ ሚስታቸው እንደሆነችና ከዛው ከመንደራቸው እንዳገቧት ይናገራሉ፡፡ በባልና ሚስቶቹ ቤተሰብ ውስጥም የፈረንጅ ደም እንደሌለ ይገልፃሉ፡፡ እና ታዲያ እነዚህ ኡስማን፣ ሐሊማ፣ ፋጡማ እና እድሪስ የተባሉ አራት ነጭ የፈረንጅ ቆዳና ፀጉር ያላቸው ልጆች እንዴት ሊወልድ ቻሉ … ?

የፅንስና የማሕፀን ስፔሽያሊስት ሐኪሙ ዶ/ር ሰለሞን ደሳለኝ፣ “ጉዳዩ አልቢኒዝም እንደሚባልና በታንዛንያ፣ ቻድና በሌሎችም የአፍሪካ ሐገራት የሚያጋጥም የተፈጥሮ የቆዳና የጸጉር ቀለም ሰጪ ንጥረ ነገሮች ጉድለት ሲከሰት የሚመጣ ሊሆን ይችላል ሕጻናቱ ጥሩ የሕክምና ድጋፍ ማግኘት ወደሚችሉበት ቦታ ሊመጡ ይገባል” ይላሉ፡፡ ይህን ለማድረግ የሚያስችል አቅም የሌላቸው የልጆቹ ወላጆች ታዲያ በልጆቹ የቆዳና የፀጉር ቀለም ሳቢያ ከአካባቢው ሰው የሚሰነዘርባቸውን አሽሙርና ሐሜት ማስታመም ዕጣቸው ሆኗል፡፡

ጉዳዩ በዚህ ብቻ ቢያበቃ ጥሩ ነበር…ልጆቹም በአካባቢው ሰው ተገልለዋል፡፡ ከሌሎች ሕፃናት ጋርም አይጫወቱም፡፡ አይናቸው የፀሐይ ብርሃኑን መቋቋም ስለማይችልም ውጪ መውጣት ወደ ትምህርት ቤትም መሄድ አይችሉም፡፡ የልጆቹ እናት ወ/ሮ ዘይነባ አባመጫ የአካባቢው ሰው ሐሜት መቆሚያ መቀመጫ አሳጥቷል ይለናል የወንድሙ ኃይሉ ዘገባ፡፡

እንደው ሚስቴ ከፈረንጅ ጋር ግንኙነት ፈጥራ ይሆን ብለው ጠርጥረዋት አያውቁም ሲል ወንድሙ ኃይሉ ላቀረበላቸው ጥያቄ ሲመልሱ፣ “ፈረንጅ መንደራችንም ድርሽ ብሎ አያውቅም፤ እኛም ከዚህ ሰፈር ወጥተን አናውቅ” ይላሉ፡፡
አቶ ዘይኑ አክለውም እንዲህ ይላሉ፣ “ይህ ደረሰብኝ ብዬ ብበሳጭ ምን ላመጣ … ፈጣሪ የሰጠኝን መቀበል እንጂ”

{audio}/liyuwere/Wondimu_Liyu_Were_Albino_Kids_Meskerem_6_2009.mp3{/udio}

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn