• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር | ወግ

ጊዜው የደረሰ ሀሳብ

“ወራሪ ጦርን ልትከላከለው ትችላለህ፡ ጊዜው የደረሰ ሀሳብን ግን ልትከላከለው አትችልም፣” ብሏል አሉ አንዱ ፈረንጅ ደራሲ፡፡

“ላለፈው አንድ መቶ ዓመት ጥላቻ ቀልዶብናል፣ ጥላቻ ሸብቦናል፣ ግለኝነት ጎድቶናል፣ ይህንን ሁሉ ችግር አሸንፈን እንድንሻገር የሚያደርገን ይቅርታና ፍቅር ብቻ ነው፤ ኢትዮጵያኖች አንበገርም በፍቅር እናሸንፋለን” ብዋል ጠቅላይ ሚኒስትሩ በወዲያኛው ቅዳሜ፡፡ እናም… ይቅርታና ፍቅር ልንከላከላቸው የማንችላቸው ጊዜያቸው የደረሱ ሀሳቦች ናቸው፡፡
የሰኔ አስራ ስድስቱ ህዝባዊ ማእበል የዚህ ማረጋገጫ ነበር፡፡ ቀበሌ ወረቀት እየበተነ፣ ደንብ ማስከበር እየላከ “ሰልፍ ውጡ፣” ሳይባል፣ “ሰልፍ ካልወጣሀ የስንዴ ኮታህን አታገኝም፣” ሳይባል፣ የመንግሥት ሠራተኛ “ሰልፍ ካልወጣሀ ጥቁር መዝገብ ላይ ትገባለህ፣” ሳይባል የወጣ ህዝብ ነው፡፡ ከዛሬ አስር ዓመት በፊት እንደነበረው የአንዱን ድርጅት ቲ ሸርት ከላይ፣ የሌላውን ከስር ማድረግ ሳያስፈልገው ያለመሳቀቅ የወጣ ህዝብ ነው፡፡
የኢትዮዽያ ህዝብ፣ የኢትዮዽያ ወጣት በአዲስ አበባም በሌሎች ከተሞችም አደባባይ ወጥቶ “የምፈለገውን ለውጥ የሚያመጣ ተስፋ እያየሁ ነው፣” ብሏል፡፡ “በህልውናዬ አትምጡ፣ ብሏል፡፡ “በወደፊቱ የአገሬ እጣ ፈንታ ላይ አትምጡ፣” ብሏል፡፡ “ተስፋዬን እንድትነጥቁኝ አልፈቅድላችሁም፣” ብሏል፡፡

የተለያዩ አላማዎችን ሲወክሉ የነበሩ መለያ ባንዲራዎች የያዙ ሰዎች ጎን ለጎን በአንድ አላማ ተሰልፈው ከማየት የተሻለ ተስፋ የት ይገኛል! የአገር ልጅ “እሺ፣ እንደመራለን…” “እሺ፣ እንፋቀራለን…” “እሺ፣ ይቅር እንባባላለን፣” ሲባባል ከማየት ያለፈ ምን ደስ የሚያሰኝ ነገር አለ! እንደለመድነው ንጽጽሮሽ እንጠቀምና ቅዳሜ እለት ያየው አይነት ህዝባዊ ድጋፍ የታየበት የት ታየ! ህዝቡ ለጠቅላይ ሚኒስትሩና ለባልደረቦቻቸው ‘ግሪን ካርድ’ ሰጥቷል፡፡
ከእኛ በምኑም በምናኑም ጥለውን የትና የት የደረሱ አገራት እንኳን ይህን ያህል ርቀት አልሄዱም፡፡ ምክንያቱም ይህን ያህል ርቀት ለመጓዝ ጽናት ያስፈልጋልና፣ በህዝብና በአገር ማመን ያስፈልጋልና፣ ተስፋ ያስፈለጋልና፣ እውነተኛ የለውጥ ፍላጎት ያስፈልጋልና፡፡

ለመሪዎች ወዶም፣ ተገዶም ሲሰግድ የኖረ ህዝብ… ወዶም፣ ተገዶም መሪዎች ጫማ ስር ሲነጠፍ የነበረ ሀዝብ… ወዶም፣ ተገዶም ለመሪዎቹ የፈጣሪን ስልጣን ሲያጋራ ለነበረ ህዝብ… ሚሊዮኖች በተሰበሰቡበት አደባባይ ታች ድረስ ወርዶ ለህዝብ የሚሰገድ መሪ ከማየት የበለጠ ምን ተስፋ ሊኖር ይችላል!

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers